نصائح آية هانى لاختيار أكل صحى فى عزومات رمضان
اتباع نظام غذائى أو دايت فى شهر رمضان، يعد من الأمور الصعبة بالنسبة لكثير من الأشخاص، نظرا لكثرة العزومات، وانتشار الحلويات الرمضانية فى كل الأماكن، لذلك يجد بعض الأشخاص صعوبة فى محاولة إنقاذ أو المحافظة علي وزنهم فى شهر رمضان الكريم، لكن هناك بعض الطرق الغير صحيحة التي تصدر من متبعى أنظمة صحية معينة على سفرة رمضان.
الدايت vs عزومات رمضان
وتحدثت دكتور آية هانى، أخصائي التغذية العلاجية، عن كيفية تعامل الشخص الذى يتبع دايت معين فى عزومات سفرة رمضان، وقالت فى حوار خاص لـ آخر خبر TV : بالنسبة للعزومات أنا ضد فكرة لو أنا عامل دايت، أقف وأقول معلش مش هقدر أقعد معاكم أصل أنا عامل دايت، مش هقدر أكل، لأنى مش باكل غير مشوى والأكل دا كله دسم، كل التصرفات دي غلط جدآ وغير مقبولة، أولاً لأن الشخص دا كدا بيلفت النظر له، وبيخلي كل اللي قاعدين مركزين معاك جداً غصب عنهم، وبالتالي هيعملوا إيه هيحاولوا يقنعوك بالأكل أنه خفيف ومافيش سمن كتير وتبدأ المحايلات.
شاهد بالفيديو ..
اختار من السفرة اللي يناسبك
استكملت : الحل الأمثل أن الشخص يقعد علي السفرة، ويبدأ يشوف من الأصناف اللي الموجودة علي السفرة اللي يناسبه وإيه اللي يبعد عنه، وممكن أكل كمية صغيرة من اللي متاح، وبعد ما أخلص أكل وأشبع، أشكركم جدآ علي الأكل وأقول إنى اكتفيت ومش هقدر أكل تانى فوق طاقتي.
بكدا تكون ذوق وشكرت الست اللس وقفت فى المطبخ وحضرت الأكل، وفى نفس الوقت قدرت تختار المناسب ليك فى هدوء تام، من غير ما نوضح إنى عامل دايت ودايقت الناس اللي عازمنى أو اللي قاعدين معايا علي السفرة.
نصيحة لتناول أكل صحي
وتابعت : مش لازم أحسس الموجودين أن طبيعة أكلهم غلط، أو إنى أنظر عليهم مش طريقة صح ومش لذيذة خالص، ببساطة لو عايز أقدم نصيحة هتكون بشكل غير مباشر من خلال طريقة اختيارى للأصناف اللي بحطها فى طبقي علي السفرة، أو يشوفوا اني طلعت من رمضان بصحة أحسن أو خاسس، ودا يخلي اللي حواليا عايزين يعملوا زيى.
