كنافة بالفراولة على طريقة الشيف شوجن هنداوى فى رمضان بالهنا
دائماً ما يشغل جدول إفطار رمضان بال السيدات، وتقعن في حيرة كبيرة، طوال الشهر الكريم، ويبقى السؤال المكرر : هنفطر إيه النهارده؟، هو ما يشغل بال الكثيرين، وهو ما يجيب عنه آخر خبر من خلال برنامج رمضان بالهنا، والذي يقدم يومياً وصفة جديدة لمتابعي ومشاهدي آخر خبر TV.
كنافة بالفراولة فى رمضان
وقامت الشيف شوجن هنداوى، ضيفة الحلقة التاسعة من برنامج رمضان بالهنا، بعمل كنافة بالكريمة والفراولة، وأكدت شوجن أن وصفة الكنافة بالكريمة من الوصفات البسيطة والسريعة، وتنفع جدآ فى رمضان أو أى وقت لو ضيوف جم عندك بدون تحضير، ولو إنتى مالكيش فى عمل الحلويات أو عايزة حاجة خفيفة، ممكن تعمليها.
شاهد بالفيديو ..
استكملت : طبعا أنا عاملة بمقادير قليلة، إنتي ممكن تزودى حسب العدد ودا بدل ما تشترى أي حلويات جاهزة هتدفعى رقم كبير، دا غير كم السكريات اللي فيها وحاجات مالهاش معنى.
مقادير الكنافة بالكريمة
مكونات الكنافة بالكريمة : كنافة محمصة - فراولة - فانيليا - سكر - كريمة.
طريقة تحضير الكنافة بالكريمة
-هنحمص الكنافة فى الطاسة، أو فى منها جاهز دلوقتي، بعد كدا هنقطع الفراولة مكعبات صغيرة وأنا بحب أضيف عليها فانيليا وشوية سكر وهنسيبهم ينزلوا ماية من الفراولة.
- دلوقتي هخفق الكريمة اللبانى وممكن نضيف كريم شانتيه اختيارى، بعد ما توصل لقوام متماسك هنسيبهم، ونبدأ نحضر الكنافة فى طبق التقديم.
-واختتمت الشيف شوجن هنداوى حديثها : طريقة الكنافة بسيطة أوي عايزة اقولكم إننا كدا خلصنا الوصفة.
إزاي نحول الكنافة لوصفة صحية
بتسئل دايما سؤال إزاي نحول الكنافة عشان تبقى صحية، الكنافة دي متحمصة ممكن تحمصيها بسوية سمنة صغيرين جداً، وبدل الشربات ممكن تستبدليه بعسل أبيض، أما الكريم شانتية بدليه بزبادى وخصوصا لو زبادى يونانى علشان عالية بالبروتين، وأخيرا بقى الأحسن إنك تضيفي فاكهة موجودة فى الموسم، وبدون إضافة سكر خالص.
