خطوات بسيطة هتساعدك تعودى أولادك على الصيام .. آية هانى تُجيب
تقع الكثير من الأمهات فى حيرة بحلول شهر رمضان، وبالتحديد من لديهم أطفال فى عمر الـ 5 سنوات، وتعتقد بعض الأمهات أن تعُود الطفل علي الصيام يأتى من هذا السن، وللأسف يعانى الأطفال من مضاعفات صحية إذا صاموا يوماً كاملاً، لازم يجب علي كل أم أن تتعرف علي بعض الطرق السليمة إذا كان لديها طفل فى عمر الـ 7 سنوات قبل أن تخوض معه تجربة الصيام الكامل فى الشهر الكريم.
صيام الأطفال استعداد وليس فرض
وتحدثت أخصائي التغذية العلاجية دكتور آية هانى، عن كيفية تعامل الأم مع صوم اولادها، وقالت فى حوار خاص لـ آخر خبر TV: أنا كأم عايزة إنى يحب الصوم من غير ما يضايق أو يحس إنه عبء عليه، أولا أنا عايزة أنصح الأم لو إبنك صغير متضغطش عليه، الطفل المفروض إنه يصوم شرعا مع وقت البلوغ، فمش مطلوب منه صيام كامل قبل الوقت دا.
نعلم الطفل الصيام من 7 سنين
استكملت : أنا كأم أنا عايزة أعود ابنى أو بنتى على الصيام، وفكرة القدرة علي الصيام، فنبدأ نعودهم من سن 7 سنين، لأنى بشوف أمهات بتصوم أولادها من سن الـ 5 و 6 سنين، وفرضين عليهم دا، وحتي لو الطفل قدر، الصيام الكامل فى السن دا بيأثر بالسلب على الطفل، علشان كدا يفضل الصيام تدريجيا ، يعني لحد الظهر وبعد كدا للعصر وهكذا.
الطفل يصوم بعد الرجوع من المدرسة
تابعت : طيب لو الطفل بيروح المدرسة، الأم تخليه يصوم بعد الرجوع أو بعد ما يفطر فى المدرسة يبدأ يصوم، وبكدا تكونى عودتى ابنك تدريجيا علي الصيام، عشان ميكرهوش أو يحس إنه صعب، وهتيجي معاه تدريجيا من غير ضغط أو ضرر بدنى.
