فطائر بعيش الأرز على طريقة الشيف هويدا فرغلي فى رمضان بالهنا
دائماً ما يشغل جدول إفطار رمضان بال السيدات، وتقعن في حيرة كبيرة، طوال الشهر الكريم، ويبقى السؤال المكرر : هنفطر إيه النهارده؟، هو ما يشغل بال الكثيرين، وهو ما يجيب عنه آخر خبر من خلال برنامج رمضان بالهنا، والذي يقدم يومياً وصفة جديدة لمتابعي ومشاهدي آخر خبر TV.
تريند فطائر عيش الأرز
وقامت الشيف هويدا فرغلي، ضيفة الحلقة الحادية عشر من برنامج رمضان بالهنا، بعمل فطائر صحية، وأكدت أن هذا النوع من الفطائر ظهر مؤخرا على السوشيال ميديا وتحول إلى تريند على مستوى العالم، وهو عيش الأرز، الذى يمكن تقديمه بطرق حلو وحادق، مثل الرقاق والجلاش وله طرق مختلفه حسب رغبة كل شخص.
مكونات وصفة فطائر عيش الأرز
المكونات: عيش أرز - بيض - ملح بحرى - فلفل - جبنة قريش - زعتر - نعناع - سمسم - حبة البركة - خل
طريقة تحضير فطائر عيش الأرز
-نجيب عيش الأرز من أي سوبر ماركت، ونحضر طبق فيه بيض وفلفل وملح ومعلقة خل صغيرة، ونبدأ نحط العيش فى البيض عشان يطرى، بس ناخد بالنا منسبهوش وقت طويل عشان ميطراش ويبوظ .
-هنحضر طبق فيه أي نوع إضافات، لحمة مفرومة، جنبة قريش بالزعتر والنعناع، ودي اللي هحضرها معاكم دلوقتي، خفيفة خالص وبدون أي سعرات حرارية، ومش بتاخد وقت خالص.
-هنبدأ نلفها براحه بعد إضافة الجبنة القريش، واعملها بالشكل اللي تحبيه.
-لو هتعملى باللحمه المفرومة، ضيفى صويا صوص فى التسوية، وعلى الوش للتزين سمسم.
-دلوقتي نرش على وش الفطاير سمسم أو حبة البركة، حسب رغبة كل شخص.
طريقة تقديم فطائر الحلو
استكملت الشيف هويدا فرغلي حديثها عن وصفة فطائر عيش الأرز وقالت، لو عايزة تعملى فطاير حلوة، برضو هنستخدم عيش الأرز، ومتخافيش خالص مافيش أي سعرات حرارية، يعني لو نفسك في حاجة مسكرة ومش حابة تاكلي حلويات رمضان اللي مليانة طبقات وسكر كتير، تقدرى تضيفي بيض عليه لبن وفانيليا وقرفة، وللحشو عيش جمل مفروم أو أى نوع مكسرات بتحبيه. كمان ممكن تعمليه بالتفاح البيوريه والقرفه، طعمه حلو جدا والتسويه حته زبدة أو من غير، بتحشى انك بتاكل دنش.
فطائر بالموز للأطفال
تابعت: وبالنسبة للأطفال بعمل الفطير على شكل صوابع بيحبوه أوى، وبضيف جبنة كيرى، أو موز وشيكولاته دارك وعليهم علس أبيض، حقيقى مفيد جدا وصحى
