نصائح آية هانى لمرضى الضغط والسكر فى رمضان
عادة ما يشعر أصحاب الأمراض المزمنة وبالتحديد السكر والضغط، بمعاناة فى شهر رمضان، وذلك بسبب عدم معرفتهم بإمكانية الصيام من عدمه، أو المواعيد الصحيحة لتناول الأدوية والجرعات المظبوطة، إلي جانب شعور الكثير منهم بتعب عام بسبب عدم اختيارهم الأصناف المناسبة لهم من سفرة رمضان.
مرضى الضغط والسكر فى رمضان
وتحدثت أخصائي التغذية العلاجية دكتور آية هانى، عن أهم العادات التي يجب أن يأخذها مرضى الضغط والسكر فى الاعتبار خلال شهر رمضان، وقالت فى حوار خاص لـ آخر خبر TV : بعد مراجعة الطبيب المعالج، لو قال إن ممكن المريض يصوم، هنا بنعرف منه الأدوية وجرعاتها ومواعيدها، بالإضافة لطبيعة الوجبة ودا بالتحديد لمرضى السكر، يعني لو بياخدوا جرعات معينة، في حاجات لازم ناخد معاها وجبة فيها نشويات، تفاصيل محتاجة مراجعة الطبيب.
شاهد بالفيديو ..
طريقة تناول الوجبات فى رمضان
وتابعت : نيجي بقى لطبيعة الوجبات، وعايزة أقول إن رمضان فرصة كويسة جداً من طريق الأكل أو اللايف ستايل بتاعنا، رمضان فرصة كويسة جداً إن صحتنا تكون أحسن، ولو مرضى السكر والضغط مشيوا على الأدوية والوجبات مظبوط ممكن يخرجوا من رمضان بتحاليل كويسة جداً والضغط ميعلاش بسهولة.
عدد ساعات الصيام
أضافت: عدد ساعات الصيام بتخلي الجسم علي الساعة فأنا لازم استغل الوقت دا، يعني علي الفطار مينفعش ابدأ بالورقة كاملة، لازم بالتدريج، يعني الأول اخد عدد اتنين أو 3 تمرات حجم صغير ومعاهم ماية، وبعدين أصلى المغرب وأرجع آخد طبق شوربة دافى وسلطة، ولو حسيت بالشبع استني لبعد العشا أو التراويح وآخد باقى الوجبة، وبكدا نبقى كأننا قسمنا الوجبة زي فطار غدا وعشا.
شكل الطبق
شكل الطبق بيكون مكون من 3 عناصر أساسية، أهمهم البروتين، وبعدين النشويات وخصوصا المعقدة زي الرز والبطاطس أو البطاطا والعيش البلدى، وبعد الخضار والسلطة.
وبالنسبة لمرضى الضغط لازم يبعدوا عن المخللات والحوادق والشورب اللي فيها مرقة دجاج جاهزة عشان فيها نسبة أملاح كبيرة جدا، ويفضل يشربوا ماية كتير، وياكلوا موز وبرتقال.
