إزاي نتخلص من عادة السجاير فى رمضان؟ .. آية هانى تُجيب
السجائر من أكثر العادات اليومية الخاطئة التى يعاني منها بعض الأشخاص، ولأن رمضان شهر العبادة والتخلص من العادات الخاطئة، فهناك فرصة كبيرة لمدمنى شرب السجائر لتقليل من هذه العادة الخاطئة خلال الـ 30 يوم.
رمضان فرصة نجدد النوايا
وتحدثت دكتور آية هانى، أخصائي التغذية العلاجية، عن كيفية التخلص من عادة السجاير فى شهر رمضان، وقالت : رمضان فرصة علشان نجدد النوايا فى كل حاجة، يعني رمضان عبادة فبالتالي كل حاجة عايزين تكون أحسن، سواء دينيا أو عادات يومية غلط، نستبدلها بالأحسن أو الأصح لحياتنا، ولو مش بناخد بالنا من صحتنا نحاول نحسن دا.
السجاير إدمان
وتابعت : السجاير إدمان زيها زي الكافيين والسكر، كل الحاجات دي بالنسبة ليا إدمان، فبما إن بعض الأشخاص معتمدين علي السيجارة أول ما يصحوا قبل ما يفطروا أو يعملوا أي حاجة، وبالتالي فى رمضان بتخليهم عندهم عصبية ومش مستحمل الصيام ومش عارفين يشتغلوا، ممكن نجرب نعمل نفس الطريقة اللي اتكلمنا عليها فى تقليل الكافيين، وهى أنهم يأجلوا السيجارة شوية وبلاش يبدأوا بيها يومهم.
شاهد بالفيديو ..
نستبدل الكافيين بالأعشاب
وفى سياق متصل، تحدثت دكتور آية هانى من قبل عن كيفية الاستعداد الصحيح لرمضان، وقالت : أنا بشوف أن الأيام اللي قبل رمضان فرصة إنى أمهد جسمى لشهر رمضان، بلاش ندخل على مفاجأة أن كل حاجة إحنا بنعملها فى يومنا العادى اتمنعت، يعني نحاول نبدأ بشكل تدريجي بالعادات اللي بنعملها فى رمضان، إننا نهيأ جسمنا ليها من دلوقتي.
أعشاب صحية
وتابعت : أولهم احتياج الكافيين، وبنلاحظ أغلب الناس عندهم عصبية وصداع بسبب قلة الكافيين، فمن دلوقتي ممكن نقلل إننا نبدل مشروب القهوة أول ما نصحي ونستبدله بأى مشروب أعشاب صحي بنحبه زى القرفة، الزنجبيل، ينسون، أو ممكن نأجل القهوة كام ساعة عن معادها ودا هيساعد علي تقليل الصداع فى أول أيام رمضان.
تأخير وجبة الإفطار ساعتين
وأضافت : تانى حاجة لازم جسمنا يستعد ليها قبل رمضان، هي احتياج السكر العالى فى رمضان، ودا هنعمله عن طريق تأخير وجبة الفطار، يعني لو بتفطر الساعة 9 نفطر 12 وهكذا، كأنى بعمل صيام متقطع بس بالعكس، عادة إحنا بنعمل صيام متقطع عن طريق إننا بناكل بالنهار وبنوقف الأكل بالليل دا الطبيعي، لكن قبل رمضان هنقلل الأكل الصبح، أو نأخر وجبة الفطار، ونرحل الأكل بالليل برضو، ودا هيساعدنا نكون أحسن كتير فى نهار رمضان وقت الصيام.
