سلاطة مكرونة بالفراخ على طريقة ياسمين طايع فى رمضان بالهنا
دائماً ما يشغل جدول إفطار رمضان بال السيدات، وتقعن في حيرة كبيرة، طوال الشهر الكريم، ويبقى السؤال المكرر : هنفطر إيه النهارده؟، هو ما يشغل بال الكثيرين، وهو ما يجيب عنه آخر خبر من خلال برنامج رمضان بالهنا، والذي يقدم يومياً وصفة جديدة لمتابعي ومشاهدي آخر خبر TV.
وقامت الشيف ياسمين طايع، ضيفة تاني حلقة من برنامج رمضان بالهنا، بعمل وصفة سلاطة مكرونة بالفراخ، مع ذكر مقاديرها، وأكدت أنها من الوصفات الأساسية فى سفرة رمضان.
شاهد بالفيديو ..
مكونات سلاطة مكرونة بالفراخ :
مكرونة مسلوقة - جرجير- شيري توميتو- صوص البيستو- مايونيز- جبنة موزاريلا - جبنة بارميزان - عين جمل - صدر فراخ - بصل أحمر متقطع صغير- ملح - فلفل .
طريقة التحضير
-هنخلط الدريسنج مع خليط المكرونة ونقدر نستخدم اي نوع مكرونة ومايونيز.
-ونحط صوص البيستو أو نقدر نجيب الصوص جاهز ونضرب الريحان في الخلاط مع شوية زيت زيتون و صنوبر وفصين توم.
-ونخلط المكونات مع المكرونة علشان بنعمل سلطة لازم تكون المكرونة باردة علشان متسويش الخضار الفريش.
-وهنخلط معاهم البصلية المفرومة و الطماطم الشيري و هنسيب شوية للتزين.
-ونقدر نحط اي نوع خضار بنحبه و نقدر نعملها مع فراخ أو جمبري
-ونقدمها في البايركس ونقدر نحط خس او جرجير في مكونات بتبقي منسية في البيت نقدر نضيفها.
-نحط جبنة الموزاريلا وبارميزان على وش للتزين و نحط عين جمل .
-و نسوي صدر الفراخ و نتبله بالملح و الفلفل و نشويه.
-ونقطعه نحطه اخر حاجة على السلطة وقت التقديم.
