الجزء الأول من سادس حلقات Mini Talks .. رحلة علاج التروما بالخبرة الجسدية
تحدثت شايان رمضان، معالجة الصدمات بالخبرة الجسدية، ضيفة الحلقة السادسة من برنامج Mini Talks، الذي تقدمه الإعلامية هند رضا، والمذاع عبر منصات آخر خبر TV، عن تعريف التروما - Trauma، وسبب الإصابة بالتروما وخطورتها، والعديد من الأمور المتعلقة بالتروما وبالتحديد في فترة الطفولة.
معنى الـ Trauma
وقالت شايان في تصريح خاص : بقينا نسمع مصطلح التروما من غير ما نعرف أصلها، لكن الـ Trauma هي كلمة يونانية معناها الجرح ودي حاجة مش بنشوفها لكن بنحسها كل يوم، حسب إزاي بتتعاملي مع جسمك، وتابعت : التروما مش في الحدث، لكن، الجسم كان عنده استيعاب قد إيه بيتعامل مع الحدث ده.
وتابعت : كل واحد حسب جهازه العصبي عامل إزاي، وطفولته ويومه كان عاملة إزاي، وكل واحد ربنا خالقه إن جهازه العصبي يكون فيه تنشيط، وبعدها يرتاح شوية وبعده تنشيط، وتابعت : لكن ساعات من كتر ما بيكون في تنشيط بتكوني على طول حاسة إن في خطر، والجهاز العصبي عايز يحميكي، وهو أصلاً مش بيعمل أي حاجة غير أنه عايز يحميكي.
إزاي بتحصلنا تروما - Trauma
وعن سبب الإصابة بالتروما، قالت شايان رمضان : كل واحد له جهاز عصبي مختلف عن التاني، وكل واحد ربنا خالقه إن جهازه العصبي يكون فيه تنشيط، وبعدها يرتاح شوية وبعده تنشيط، وتابعت : لكن ساعات من كتر ما بيكون في تنشيط بنكون على طول حاسين إن في خطر، والجهاز العصبي عايز يحمينا، وهو أصلاً مش بيعمل أي حاجة غير أنه عايز يحمينا.
طريقة الحماية من الـ Trauma
وأضافت : في 3 طرق للجهاز العصبي يحمي بيها الجسم، هما القتال والهروب والتجمد، الجسم هنا لم بيتحط في موقف هو مش قادر يستوعب الضغط بتاعه ده، بتلاقي الجهاز العصبي عايز يحميكي، هنل بيجمع الطاقة في إيدي وفي وشي، علشان أعرف أتخانق، لكن ساعات مش بيكون عندي الحاجة دي، لكن ساعات الطاقة دي بتكون متجمدة جوا الجسم.
واختتمت : ساعات بكون في حتة خطر وبكون عايزة أجري لكن مش بعرف، وقتها كل الطاقة بتروح للرجل، لكنها مش بتتحرك، نفس الحاجة في التجمد بتكون عايز تعمل حاجة، لكن أنا لا عارفة أجري ولا عارفة أعمل أي حاجة، واتجمدت في مكاني مش علشان حاجة غير أنه عايز يحميني.
خطورة التروما
وقالت شايان رمضان : خطورة التروما بتكون حسب طبيعة كل جسم، في الحالة دي والوقت ده والساعة دي، فلو حصل حاجة في الوقت ده أكبر من قدرتنا إننا نتحملها الطاقة اللي عايزة تطلع مش هتطلع وهتتخزن، وتخزين على تخزين بيخلي الجسم طول الوقت مش بيريح.
مشاعرنا واحنا صغيرين بتتخزن
وعن حقيقة تخزين المشاعر في الطفولة، قالت شايان : في ناس من كتر ماهما اتعودوا إنهم يكتموا، ولما يقولوا رأيهم وميتقبلش، هيبدأوا لما يكون ليهم دور كبير في المجتمع يحسوا إنهم قليلين، أو مش هيلاقي نفسه في عيون الناس، ويحس إنه يكتم في نفسه أكتر، بدل ما يعبر عنها، علشام لو عبر عنها مش هيحس بأمان.
وتابعت : مثلا لما أم بتكون بتذاكر مع ابنها وتقوم مزعقة فيه، وتقوله إنت إزاي غبي كده، والكلمة دي من كتر ما بيسمعها هيبدأ يصدق إنه غبي، وكل ما يعمل مشكلة الصوت هيقوله مانت غبي، وهيبتدي يكون مش عايز يتكلم أو يقول رأيه، وده بيحصل لما مياخدش المساحة إن حد يسمعه وهو يعبر عن نفسه.
