تأثير اللي حصل لنا واحنا صغيرين .. شايان رمضان معالجة الصدمات بالخبرة الجسدية توضح
حلت شايان رمضان، معالجة الصدمات بالخبرة الجسدية، ضيفة على برنامج Mini Talks، الذي تقدمه الإعلامية هند رضا، عبر منصات آخر خبر TV، وواصلت حديثها خلال اللقاء عن التروما - Trauma، وإن اللي حسّيناه واحنا صغيرين جسمنا ممكن يفضل شايله لحد النهارده،
مشاعرنا واحنا صغيرين بتتخزن
وقالت شايان رمضان : في ناس من كتر ماهما اتعودوا إنهم يكتموا، ولما يقولوا رأيهم وميتقبلش، هيبدأوا لما يكون ليهم دور كبير في المجتمع يحسوا إنهم قليلين، أو مش هيلاقي نفسه في عيون الناس، ويحس إنه يكتم في نفسه أكتر، بدل ما يعبر عنها، علشام لو عبر عنها مش هيحس بأمان.
وتابعت : مثلا لما أم بتكون بتذاكر مع ابنها وتقوم مزعقة فيه، وتقوله إنت إزاي غبي كده، والكلمة دي من كتر ما بيسمعها هيبدأ يصدق إنه غبي، وكل ما يعمل مشكلة الصوت هيقوله مانت غبي، وهيبتدي يكون مش عايز يتكلم أو يقول رأيه، وده بيحصل لما مياخدش المساحة إن حد يسمعه وهو يعبر عن نفسه.
وأضافت : الحاجات دي بتتخزن جوا الجسم ولما نكبر بنحس إنه أمان إننا نتكلم عن مشاعرنا في علاقاتنا سواء في الشغل أو الجواز مع الأصدقاء، علشان محدش يزعل وماخسرش حد.
إزاي بتحصلنا تروما - Trauma
وشرحت شايان رمضان، من قبل أسباب إصابتها ب تروما، وقالت : كل واحد له جهاز عصبي مختلف عن التاني، وكل واحد ربنا خالقه إن جهازه العصبي يكون فيه تنشيط، وبعدها يرتاح شوية وبعده تنشيط، وتابعت : لكن ساعات من كتر ما بيكون في تنشيط بنكون على طول حاسين إن في خطر، والجهاز العصبي عايز يحمينا، وهو أصلاً مش بيعمل أي حاجة غير أنه عايز يحمينا.
طريقة الحماية من الـ Trauma
وأضافت : في 3 طرق للجهاز العصبي يحمي بيها الجسم، هما القتال والهروب والتجمد، الجسم هنا لم بيتحط في موقف هو مش قادر يستوعب الضغط بتاعه ده، بتلاقي الجهاز العصبي عايز يحميكي، هنل بيجمع الطاقة في إيدي وفي وشي، علشان أعرف أتخانق، لكن ساعات مش بيكون عندي الحاجة دي، لكن ساعات الطاقة دي بتكون متجمدة جوا الجسم.
واختتمت : ساعات بكون في حتة خطر وبكون عايزة أجري لكن مش بعرف، وقتها كل الطاقة بتروح للرجل، لكنها مش بتتحرك، نفس الحاجة في التجمد بتكون عايز تعمل حاجة، لكن أنا لا عارفة أجري ولا عارفة أعمل أي حاجة، واتجمدت في مكاني مش علشان حاجة غير أنه عايز يحميني.
معنى الـ Trauma
وتحدثت شايان من قبل عن تعريف الـ Trauma، وقالت : بقينا نسمع مصطلح التروما من غير ما نعرف أصلها، لكن الـ Trauma هي كلمة يونانية معناها الجرح ودي حاجة مش بنشوفها لكن بنحسها كل يوم، حسب إزاي بتتعاملي مع جسمك، وتابعت : التروما مش في الحدث، لكن، الجسم كان عنده استيعاب قد إيه بيتعامل مع الحدث ده.
