إيه هي خطورة الـ Trauma ؟ .. شايان رمضان معالجة الصدمات بالخبرة الجسدية تجيب
حلت شايان رمضان، معالجة الصدمات بالخبرة الجسدية، ضيفة على برنامج Mini Talks، الذي تقدمه الإعلامية هند رضا، عبر منصات آخر خبر TV، وكشفت خلال اللقاء عن خطورة التروما - Trauma، والأفعال التي تؤثر في الأشخاص وتخلق داخلنا تروما دون أن نشعر.
خطورة التروما
وقالت شايان رمضان : خطورة التروما بتكون حسب طبيعة كل جسم، في الحالة دي والوقت ده والساعة دي، فلو حصل حاجة في الوقت ده أكبر من قدرتنا إننا نتحملها الطاقة اللي عايزة تطلع مش هتطلع وهتتخزن، وتخزين على تخزين بيخلي الجسم طول الوقت مش بيريح.
وتابعت : وقتها على طول تلاقي كتفك طالع عند ودانك، وفي أوجاع في جسمك ودايما متوتر.
إزاي بتحصلنا تروما - Trauma
وشرحت شايان رمضان، من قبل أسباب إصابتها ب تروما، وقالت : كل واحد له جهاز عصبي مختلف عن التاني، وكل واحد ربنا خالقه إن جهازه العصبي يكون فيه تنشيط، وبعدها يرتاح شوية وبعده تنشيط، وتابعت : لكن ساعات من كتر ما بيكون في تنشيط بنكون على طول حاسين إن في خطر، والجهاز العصبي عايز يحمينا، وهو أصلاً مش بيعمل أي حاجة غير أنه عايز يحمينا.
طريقة الحماية من الـ Trauma
وأضافت : في 3 طرق للجهاز العصبي يحمي بيها الجسم، هما القتال والهروب والتجمد، الجسم هنا لم بيتحط في موقف هو مش قادر يستوعب الضغط بتاعه ده، بتلاقي الجهاز العصبي عايز يحميكي، هنل بيجمع الطاقة في إيدي وفي وشي، علشان أعرف أتخانق، لكن ساعات مش بيكون عندي الحاجة دي، لكن ساعات الطاقة دي بتكون متجمدة جوا الجسم.
واختتمت : ساعات بكون في حتة خطر وبكون عايزة أجري لكن مش بعرف، وقتها كل الطاقة بتروح للرجل، لكنها مش بتتحرك، نفس الحاجة في التجمد بتكون عايز تعمل حاجة، لكن أنا لا عارفة أجري ولا عارفة أعمل أي حاجة، واتجمدت في مكاني مش علشان حاجة غير أنه عايز يحميني.
معنى الـ Trauma
وتحدثت شايان من قبل عن تعريف الـ Trauma، وقالت : بقينا نسمع مصطلح التروما من غير ما نعرف أصلها، لكن الـ Trauma هي كلمة يونانية معناها الجرح ودي حاجة مش بنشوفها لكن بنحسها كل يوم، حسب إزاي بتتعاملي مع جسمك، وتابعت : التروما مش في الحدث، لكن، الجسم كان عنده استيعاب قد إيه بيتعامل مع الحدث ده.
