تريند العيد .. لميس خليل توضح أجمد الألوان في اللبس
أيام قليلة تفصلنا عن عيد الفطر المبارك، وفى هذا الوقت عادة ما تبحث جميع الفتيات عن لوك مختلف يناسب العيد، فعلى الرغم من وجود ألوان وتقاليع سيطرت علي موضة شتاء 2026، إلا أن هناك بعض الترندات المرتبطة بموسم العيد.
ألوان موضة فى عيد الفطر
وتحدثت الاستايلست لميس خليل عن موضة ملابس عيد الفطر، وقالت فى حديث خاص لـ آخر خبر TV : العيد بيحب الألوان بصراحة، فدايما تلاقى أول يوم عيد كدا الكحك والخروج، وبنشوف ألوان هي اللي طالعة موضة، أحب قوى إن إحنا نخلينا فى الألوان دي، وهى الـ butter yellow، pastel colors، الأزرق والبينك الفاتح، الألوان دي كلها موضة فممكن نروح ليها.
شاهد بالفيديو ..
قطع مناسبة للبس العيد
استكملت أما بالنسبة لقطع اللبس المناسبة للعيد، الـ Ballon cut pants، الدانتيل كمان موضة أوى فى الجيبات بيتلبس فوقها جاكيت، و الـ trench coat ودا قماشته خفيفة شوية، طبعا موضة الـ oversized لسه مكلمه، وأنا مع الناس اللي بتلبس half boot فى الصيف عادى، فممكن نلبس half boot علي جيبة قصيرة عادى.
سكيني جينز موضة وراحت
تابعت : بالنسبة لـ skinny jeans فدا خلاص راح، هو والبنطلون المقطع، خلينا أحسن فى الـ wide leg و الـ straight leg و الـ flare ، كل دا مكمل معانا.
واللي لذيذ أوى وبدأت اشوفه فى الحاجات الصيفي، الريش يعني ممكن تلبسي قميص أبيض سادة خالص واخر الكم ريش، وبيدى للوك شكل فخم ويخليه مختلف.
بداية ظهور ترند القفطان
وفى سياق متصل تحدثت لميس خليل عن بداية ظهور ترند القفطان وارتباطه بشهر رمضان وقالت: عايزة أقول بمناسبة القفطان وارتباطه بشهر رمضان، أنا شخصيا ليا صحاب عايشين برا مصر، بقوا يجوا مخصوص قبل رمضان عشان ياخدوا القفطانات المميزة اللي عندنا ويروحوا بلادهم يلبسوها، ورغم أن القفطان مش اصله مصرى طبعآ، والمغاربة أكتر شعب مشهورين بيه، بس أنا شايفة إن المصريين بيتفقوا على نفسهم فى تصميمات وتقاليع القفطان فى شهر رمضان كل سنة عن التانية.
