تقاليع تريند قفطان رمضان 2026 .. لميس خليل توضح
ارتبط القفطان بشهر رمضان الكريم، ومع بداية الشهر الكريم، تحرص الكثير من الفتيات على اقتناء قطعة أو أكثر من القفطان لتناسب العزومات سواء على الفطار أو السحور، فإذا كنتى تبحثين عن تريند قفطان هذا العام، يمكنك التعرف على أبرز الخامات خصوصا مع تزامن شهر رمضان مع فصل الشتاء.
الكتابة العربى على القفطان
وتحدثت الاستايلست لميس خليل، عن تريند تقاليع قفطان رمضان 2026، وقالت فى حوار خاص لـ آخر خبر TV : الكتابة العربى من أساسيات القفطان فى شهر رمضان، أنا مش شايفة إنها موضة هتروح ولكن فى ناس بتزهق، فبيدورا على التجديد، لكن الكتابة العربى هتفضل موجودة، ومصر مشهورة بيها علي مستوى العالم، وبالنسبة للبنات اللي مش بيحبوا يبلسوا قفطان دايما نصيحتي ليهم، إنها تلبس شنطة عليها كتابة عربى، إكسسوارت، أو شال دا بيدى إحساس إنك فى موود رمضان.
القفطان مش موضة
استكملت : عايزة أقول أن كمان السليبر المقفول من قدام دا برضو بيدى روح رمضان جدآ، فوجود الكتابة العربي بيفرق فى شعورنا برمضان، ومش شرط يكون بلبس القفطان علي فكرة.
القفطان مناسب لشهر رمضان
تابعت : فى ناس علي فكرة بتقابلنى، ويقولو إحنا مش بنحب موضة القفطان خالص، وهو مش موضة علي فكرة، لأنه مرتبط بس بشهر رمضان والاستايل والتقاليع بتاعته بتختلف كل سنة عن التانية.
بداية موضة القفطان
وفى سياق متصل تحدثت لميس خليل عن بداية ظهور ترند القفطان وارتباطه بشهر رمضان وقالت: عايزة أقول بمناسبة القفطان وارتباطه بشهر رمضان، أنا شخصيا ليا صحاب عايشين برا مصر، بقوا يجوا مخصوص قبل رمضان عشان ياخدوا القفطانات المميزة اللي عندنا ويروحوا بلادهم يلبسوها، ورغم أن القفطان مش اصله مصرى طبعآ، والمغاربة أكتر شعب مشهورين بيه، بس أنا شايفة إن المصريين بيتفقوا على نفسهم فى تصميمات وتقاليع القفطان فى شهر رمضان كل سنة عن التانية.
موضة ألوان وخامات قفطان رمضان
وبالنسبة لموضة القفطان اللي بنشوفها، خلينى أقول إن مصممين الأزياء مش بياخدوها كدا وخلاص، لأ دا فى أقمشة وألوان وقصات بيرتبطوا بيها مع كل سنة بالتزامن مع موضة الصيف أو الشتاء، يعني مثلا هتلاقى الفرو وألوان زي البنى منتشرة فى قفطان رمضان 2026، عشان هما موضة الشتا أصلا.
