فستان موضة ولا مناسب لجسمك؟ .. بسنت بدران مصممة الأزياء توضح
تقع الكثير من الفتيات فى حيرة اختيار فستان سوارية مناسب لهن، ولا يتوقف الاختيار على تصميم جديد أو لون مختلف وموضة السنة، لكن هناك العديد من القواعد التى يجب على كل سيدة وفتاة وضعها فى الاعتبار فى رحلة اختيارها لفستان سوارية.
طرق هتساعدك تختاري فستانك
وتحدثت بسنت بدران مصممة الأزياء، عن الطرق الصحيحة لاختيار فستان سوراية، وقالت فى تصريح خاص لـ آخر خبر TV : لازم كل واحدة تبقى فاهمة جسمها وعارفة إيه اللي بيليق عليها، وإيه اللي مش مناسب معاها، ولو هي مش عارفة، لازم تروح لحد ثقة يساعدها وتتعلم حدود جسمها، والأهم توافق على اختياره فى النهاية.
مش كل ديزاين مناسب لجسمك
وتابعت : فى نقطة مهمة جداً لازم ناخد بالنا منها، وهي أن مش كل اللي بنشوفه بيليق علينا، يعني كتير بيجيلي بنات عايزين ديزاين معين وهو مش مناسب ليهم تماماً، وبالعكس هيوحش مش هيحلى، علشان كدا برجع أقول اختيار الفاشون ديزاينر مهم قوى، لأن مهمة مصممة الأزياء بتكون فى النهاية معتمدة على مدى قدرته فى إبراز معالم الجمال عند العروسة أو الستات والبنات بشكل عام.
شاهد بالفيديو ..
حلم أسبوع الموضة فى باريس
وعن تفاصيل مشاركتها فى أسبوع الموضة بباريس، قالت بسنت : من أول ما قررت إنى هعرض فى أسبوع الموضة فى باريس، وأنا كنت عايزة ابنى استمرارية إنى بشارك بتصميماتى كذا سنة فى حدث كبير زي أسبوع الموضة فى باريس، وفى السنة التالتة طلبوا منى إنى ممكن أعرض الكولكشن بتاعى على الـ runway، ودا طبعاً كان حلم عندى إنى أعرض شغلى فى فاشون شو فى أسبوع الموضة فى باريس.
كولكشن بسنت بدران فى أسبوع الموضة
واختتمت حديثها قائلة : الحقيقية إنى كنت جاهزة للخطوة دى وقدرت مع الفريق بتاعى نحضر كولكشن مكون من 20 فستان فى حوالي 7 شهور، كان فى عناصر كتير عايزة أحققها فى الكولكشن دا، وأوصلها لكل الحاضرين من الحركة بتاعت الفساتين أثناء العرضأ وأنا أكتر قماشة بشتغل فيها هى الأورجانزا، بس المرة دي كنت عايزة أجرب والعب بالقماشة دي بس فى نفس الوقت، أحافظ على هويتي كمصممة أزياء.
