قواعد إتيكيت الأكل فى العزومات .. نادين جاد تٌجيب
يرتبط شهر رمضان الكريم بالتجمعات والعزومات مع الأقارب و زملاء العمل، سواء علي الإفطار أو السحور، لكن هناك بعض القواعد التي يغفلها الكثيرون فى حال دعوتهم علي عزومة فى شهر رمضان، فيما يتعلق بالطرق الصحيحة للأكل سواء بالشوكة والسكينة أو بالأيد.
الإتيكيت مع الأهل مختلف
وتحدثت خبيرة الإتيكيت نادين جاد، عن الطرق الصحيحة لتناول الطعام فى العزومات، وقالت فى حوار خاص لـ آخر خبر TV : الإتيكيت بيقول إنت فين ومع مين، لو أنا فى وسط أهلى وصحابي، وإحنا بنحب ناكل بالمعلقة أو بنفرش على الأرض وبناكل مافيش أي مشكلة باكل زيهم، لأن فى الحالة دي أنا لو مسكت شوكة وسكينة هكون أنا اللي مختلف ومش متناسق معاهم، فالمهم إن الموضوع يكون فيه انسجام.
شاهد بالفيديو ..
إتيكيت الأكل فى مكان عام
استكملت: لكن لو معزوم على أكل فى مكان عام، أو مع النسايب، أو زملاء العمل، أو بمثل شغلى فى عزومة، أو بمثل البلد فى مكان رفيع، لازم اتبع قواعد الإتيكيت.
وفى من ضمن أداب تناول الطعام، بعض الأكلات اللي بتتاكل بالإيد، زي الحاجات الناشفة اللي مافيهاش صوص، وبالتالي الإيد مش هتتوسخ، زي التمر، والورقيات بالايد، كمان العيش بقطع بالإيد، واستخدام الشوكة والسكينة فى العيش خطأ رهيب وممنوع بشكل عالمى.
أكلات بتتاكل بالإيد
تابعت: كمان المكسرات بالإيد، وحاجات غيرهم زي البطاطس، طيب بخلاف النواشف والورقيات والمكسرات والعيش، نتعامل بالشوكة والسكينة.
العيلة أولاً ثم الأصدقاء وزملاء العمل
وفى سياق متصل تحدثت نادين جاد خبيرة الإتيكيت عن ترتيب العزومات فى شهر رمضان وقالت: بالنسبة للعزومات بتكون للأهل من الدرجة الأولى فى أول أسبوع من شهر رمضان الكريم ، يعني الأب والأم والحماة والأخوات من الطرفين أو المقربين من الدرجة الأولى، وبالنسبة بقى لتاني وتالت أسبوع من رمضان، فبنحددهم للأصدقاء والجيران والزملاء فى العمل، وبرضو بيكون عن طريق مكالمة تليفون لكل شخص بنشوف اليوم المناسب معاه.
عزومة آخر أسبوع فى رمضان
تابعت : أما آخر أسبوع فى رمضان فدا بيكون مخصص للعبادة بقى وتحضير نفسنا للعيد، ولو حبينا بتكون العزومات واخدة طابع الديش بارتي أو الأكلات الخفيفة عشان أغلب الناس بيكونوا زهقوا من الأكل الدسم.
