مسقعة صحية على طريقة هويدا فرغلي فى رمضان بالهنا
دائماً ما يشغل جدول إفطار رمضان بال السيدات، وتقعن في حيرة كبيرة، طوال الشهر الكريم، ويبقى السؤال المكرر : هنفطر إيه النهارده؟، هو ما يشغل بال الكثيرين، وهو ما يجيب عنه آخر خبر من خلال برنامج رمضان بالهنا، والذي يقدم يومياً وصفة جديدة لمتابعي ومشاهدي آخر خبر TV.
مسقعة صحية علي سفرة رمضان
وقامت الشيف هويدا فرغلي بتقديم وصفة المسقعة الصحية فى الحلقة السابعة من برنامج رمضان بالهنا، وقالت: النهاردة هعمل معاكم طبق مشهور على سفرة رمضان، المسقعة لكن على طريقتى الصحية، يعني من غير زيوت كتير مضرة بصحتها وبنفس الطعم
مكونات المسقعة الصحية
ومقادير الوصفة دى بسيطة خالص، هنجيب بتنجان اسود، صلصة طماطم طازة، ثوم، ملح، فلفل، زيت زيتون، زيت الأرز ، لحمة مفرومة
طريقة المسقعة الصحية
-هنقطع البتنجان شرائح تخينة، بدون ما نضيف ملح، ودا الفرق عشان أنا هحطه فى الفرن مش هنضيف، لكن لو هنحمره فى الزيت هنضيف رشه الملح وماية.
-هنرش زيت زيتون ونحط رأس ثوم وندخلها الفرن.
-صوص المسقعة، بقى عبارة عن صلصة طماطم فريش، وزيت الأرز ونضيف فصين من الثوم وبعد شوية نشيلهم، وبعدين نضيف اللحنه المفرومة، ونسيبهم يتسبكوا.
-هنضيف كمان فلفل أسود، ونطلع المسقعة من للفرن، ونبدأ فى تحضير صينية المسقعة
-بجيب طاجن أو صينية، وبنحط طبقات من البتنجان وبعدين نضيف اللحمه المفرومة المتسبكه مع الطماطم.
نصائح هويدا فرغلي لأكل صحى
من أهم النصائح اللي بقولها دايما، إننا لازم نختار نزع زيت صحي، زي زيت الزيتون أو زيت الأرز، كمان اختيار الملح لازم يكون صحي زي ملح البحر، الحاجات دي غالية شوية، بس فوايدهم الصحية لينا كبيرة، وبعدين مش بستعمل منهم كميات كبيرة، فبقعدوا فترة كويسة فى مطبخك.
