شوربة قرع العسل على طريقة هويدا فرغلي في رمضان بالهنا
دائماً ما يشغل جدول إفطار رمضان بال السيدات، وتقعن في حيرة كبيرة، طوال الشهر الكريم، ويبقى السؤال المكرر : هنفطر إيه النهارده؟، هو ما يشغل بال الكثيرين، وهو ما يجيب عنه آخر خبر من خلال برنامج رمضان بالهنا، والذي يقدم يومياً وصفة جديدة لمتابعي ومشاهدي آخر خبر TV.
طبق الشوربة على سفرة رمضان
وقالت الشيف هويدا فرغلي، ضيفة الحلقة الرابعة من برنامج رمضان بالهنا، أكيد أهم طبق بالنسبة لينا فى سفرة رمضان هو الشوربة، والنهارده هنقدملكم طريقة شوربة قرع العسل، خصوصا إننا فى الشتاء، وقرع العسل متوفر فى كل الأماكن سواء متقطع جاهز فى السوبر ماركت.
مكونات وصفة شوربة قرع العسل:
قرع عسل - كريمة لبانى- ثوم - طاطم - بصل - بطاطا - فلفل أحمر- ملح بحر - زيت زيتون - فلفل أسود، وبهارات إيطالية
شاهد بالفيديو ..
طريقة تحضير شوربة القرع
وقالت الشيف هويدا : هنقوم بشوى قرع العسل فى الفرن، وعايزة أقول إن ناس كتير بتحمره مع بصله على النار ودا مش بيدي نفس الطعم زي ما يتشوى.
-هنضيف مع قرع العسل، شرائح من الطماطم والبصل وفلفل أحمر، كمان ممكن نضيف بطاطا.
-هنزود راس الثوم ونضيف زيت زيتون، أي أكل عايزة تشوية استخدمى زيت زيتون، واخر حاجة هضيفها قبل ما ندخل الصينية الفرن، هنضيف التوابل زي الملح وبالتحديد ملح البحر لأنه مفيد جدا، بنجيبه خشن من السوبر ماركت ونطحنه، وضيفيه علي أكلك، كمان هضيف فلفل أسود وبهارات إيطالي.
-بعد ما يخرج من الفرن هنضربهم فى الخلاط بكل الخضار اللي كان فيه.
-فى حلة علي النار هنضيف قرع العسل و كريمة لبانى
-الشوربة دي ممكن تتقدم مع بطاطس شيبسي صحية معمولة فى الاير فراير، أو عيش توست بالجبنة السايحة.
أنواع الشوربة فى رمضان
استكملت: الشوربة مهمة جدا علي السفرة فى رمضان، يعني فى أفكار كتير أوى غير شوربة قرع العسل، زي شوربة الطماطم ، شوربة لسان العصفور ، شوربة البروكلي ، شوربة المشروم و شوربة الكوسة.
