كباب الحلة على طريقة شوجن هنداوى فى رمضان بالهنا
دائماً ما يشغل جدول إفطار رمضان بال السيدات، وتقعن في حيرة كبيرة، طوال الشهر الكريم، ويبقى السؤال المكرر : هنفطر إيه النهارده؟، هو ما يشغل بال الكثيرين، وهو ما يجيب عنه آخر خبر من خلال برنامج رمضان بالهنا، والذي يقدم يومياً وصفة جديدة لمتابعي ومشاهدي آخر خبر TV.
وقامت الشيف شوجن هنداوى، ضيفة أولى حلقات برنامج رمضان بالهنا، بعمل وصفة كباب الحلة، مع ذكر مقاديرها، وأكدت أنها من الوصفات الأساسية فى سفرة رمضان، وقامت بتحضيرها بمقادير متوفرة فى كل بيت.
مكونات كباب الحلة :
-كيلو لحمة مكعبات
-نصف كيلو بطاطس محمرة
-معلقة كبيرة سمنة
-معلقة كبيرة زيت
-مستكة
-حبهان
-قرفة
-بصل
-ملح وفلفل
شاهد الفيديو ..
للتزيين :
-بندق
-زبيب
-بقدونس
طريقة تحضير لحمة كباب الحلة:
-وقالت شيف شوجن: نسخن الحلة ونحط معلقة كبيرة من السمنة وملعقة كبيرة من الزيت.
-هنضيف المستكة وجودها مهم فى الوصفة دى لانها بتضيف طعم مميز للحمة.
-هننزل باللحمة وأنا اخترت قطعية كباب حلة من وش الفخدة.
ـ عشان تاكلوا لحمة مستوية، لازم نديها صدمة من الناحيتين عشان تقفل المسام و متنزلش ميتها.
ـ أهم بهار في اللحمة هو الفلفل الاسود وممكن نكتفى بيه، أو ممكن نضيف عود قرفة وحبهان بس مش كتير عشان الطعم ميتأثرش.
ـ دلوقتي نضيف أهم مكون وهو البصل لان اللحمة هتستوى فيه، ومش هنضيف ماية خالص ونستمر فى التقليب.
ـ ونضيف ملح عشان البصل يدبل ونوطي النار لحد ما اللحمة تستوى، وكل شوية هنقلب ونتاكد إن الماية منشفتش.
ـ ممكن نقدم كباب الحلة مع رز أبيض، أو بطاطس محمرة مكعبات أو عيش بلدى.
- للتزيين هنضيف بقدونس بيدى لمسة جمالية، كمان بضيف زبيب وبندق مقشر.
