علا شلبى خبيرة الصورة والمظهر توضح 3 معتقدات غلط عن الموضة
ارتبطت على مر السنين بعض المعتقدات الخاطئة المتعلقة بالموضة، وتوارثتها الأجيال دون التحقق من مدى صحة هذه المعتقدات، ورغم الانفتاح الكبير الذى حدث فى مجال الفاشون إلا أن هناك بعض الأخطاء التى لازالت السيدات والفتيات يقعن فيها دون وعى.
مش لازم تلبسي براند عشان تبقى شيك
وكشفت علا شلبي خبيرة صورة ومظهر فى حوار خاص لـ آخر خبر TV، عن المعتقدات الخاطئة التي ارتبطت بالموضة والفاشون، وقالت : المعتقدات اللي الناس فاكراها أساسية علشان شكلهم يكون شيك وهى مش مهمة، زي إنى لازم ألبس براند علشان أبقى شيك، مش لازم أصلاً ألبس براند أو هدوم غالية، الأهم إنى ألبس حاجة قصتها مظبوطة عليا وخامتها كويسة وألوانها مناسبة.
مش لازم تلبسي على الموضة
واستكملت : تاني معتقد خاطئ هو إنى لازم أمشى على الموضة علشان يبقي شكلى شيك، الصح إنى بطلع الموضة عشان تناسبنى، وبنقى منها اللي شبهي، ولو الموضة مافيش فيها حاجة مناسبة ليا وعايزة مثلا ألبس كلاسيك، عادى جداً وهتكونى شيك جداً.
شاهد الفيديو ..
الموضة مالهاش علاقة بالسن
وتابعت : أما تالت معتقد عن الفاشون هو السن، والجملة الشهيرة اللي بنسمعها، لا أنا كبرت في السن إزاى البس على الموضة؟، والحقيقة إن الكلام دا غلط، والموضة ملهاش سن، أنا ممكن ألبس على الموضة لبس شيك وستايل بغض النظر عن السن.
إزاى تختاري بنطلون مناسب
وفي سياق متصل، تحدثت علا شلبى من قبل، مع آخر خبر TV، عن خطوات اختيار البنطلون الصحيح، وقالت : خلينا الأول نعرف موضة البنطلونات الفترة دي، وظهر مؤخرا الـ Ballon Pants أو بنطلون علاء الدين، زي ما بنقول عليه، هو بيكون منفوخ شوية وفيه استيك من الآخر، وظهر منه أنواع قماش كتير زي الجينز و بالبنطلون الكلاسيك والستان الخفيف طالع موضة جدآ.
تابعت : ولسه مكمله معانا البنطلون الباجى، والـ wide leg pants والـ straight leg، أما الـ slim jeans بدأ يرجع تاني مش skinny لكن الـ straight slim.
وعن طريقة اختيار البنطلون المناسب لكل فتاة، قالت : بالنسبة للأجيال الجديدة، وعلشان أبسطها على البنات وكل واحدة تعرف تختار بكل بساطة، إلبسي البنطلون اللي يحسسك بالتوازن، يعني لو البنت عريضة من منطقة الفخد يفضل تبعد عن البنطلونات اللي بتزود الحجم زي الـ Ballon Pants ، أو أى بنطلون فيه كُسر، هيزودوا شكل الجسم، ممكن تختار بنطلون flare أو straight هيكونوا أفضل بكتير.
