ريهام الهوارى : أقوى ست هى أكتر واحدة متصالحة مع أنوثتها
عند مشاهدة الفنانات فى أفلام الأبيض وأسود دائماً ما تتذكر المعنى الحقيقى للأنوثة، فهناك اختلاف واضح بين طريقة كلام وحركة وملابس السيدات فى الجيل القديم والجيل الحالى.
ولأن مصطلح الأنثى أصبح مغلوط بشكل كبير بين الأجيال الجديدة، مبررين أن طبيعة الحياة ورتمها السريع هم السبب فى تغير اهتمام السيدات والفتيات بأنفسهن، لذلك كان يجب أن نتعرف عن المصطلح الحقيقى لأنوثة المرأة.
وقالت ريهام الهوارى، كوتش في الظهور العام وأخصائي علم النفس المؤسسي فى حوار خاص لـ آخر خبر TV : أوعي ما تخافى من أنوثتك، الأنوثة حالة ذهنية، هي جوهرك، وزمان فهمونا إن الأنوثة عيب ولازم تستخبى، لكن مقالوش إنها احترامك لنفسك ولإحتياجاتك ولشخصيتك، الأنثى هى المتصالحة مع نفسها، وعندها قدر من الهدوء الداخلى، اللي بيخليها تعرف عايزة تعمل إيه إمتى وإزاي.
شاهد الفيديو ..
قطع لازم تتخلصى منها فى دولابك
وتابعت : وبما أن كلامنا عن المظهر الخارجي والداخلي، خليني أعرفكم أهم القطع اللي لازم كل بنت تتخلص منها فى دولابها، أولا القطع الضيقة أو الواسعة أوى لأنهم بيظهروكى بشكل غير مريح، والأهم لازم تتخلصى من أى قطعة بتفكرك بموقف مش بتحبيه أو أى لحظة ضعف مريتي بيها، وهنا بتبدأ الحياة الجديدة بحاجة لايقه عليكي، بتفكرك بقوتك وجمال روحك مش بضعف وخوف مريتي بيهم.
الأنوثة فكر مش مظاهر
وأضافت : الأنوثة عمرها ما كانت حاجة لازم تحافظى عليها لأنها فكر مش مظاهر، لما كل بنت تكون عارفه إنها أنثى حقيقة وعندها ثقة فى أنوثتها واحترام ليها، عمرها ماهتفكر فى كلام الناس أو هيقولوا إيه.
الأنوثة حالة ذهنية
واختتمت ريهام الهوارى حديثها، قائلة : ناس كتير بتربط بين الأنوثة والضغوط اليومية، رغم أن الاثنين لا يتعرضوا مع بعض، الأنوثة حالة ذهنية والضغوط مش بتزودها أو تنقصها، لأنها موجودة طول الوقت لكن عشان مفهومها مغلوط مش بنعرف ندور عليها صح جوانا.
