ريهام الهوارى : كوكو شانيل كلمة السر في رأس السنة
تحرص العديد من السيدات والفتيات على قضاء وقت ممتع ليلة رأس السنة، فإذا كنتي تخططين لخروجة مميزة سواء بالسهر فى مكان عام أو بالاكتفاء بعزومة مع المقربين أو الأصدقاء فى البيت، عليك باختيار الملابس المناسبة لطبيعة سهرتك.
قواعد الخروج فى السنة الجديدة
وبسؤال ريهام الهوارى كوتش في الظهور العام وأخصائي علم النفس المؤسسي، عن خروجات رأس السنة، قالت فى تصريحات خاصة لـ آخر خبر TV : أهم قواعد الخروج إنى أبقى عارفة أنا رايحة فين، عايزة الناس تقول إيه عليا، عايزة أظهر قدامهم إزاى، وبالتالي هتكونى إنتى المتحكمة.
قاعدة الظهور الراقى
استكملت : لازم تحطي القاعدة دي فى دماغك الظهور الراقى بيهمس مش بيصرخ، يعني طول ما إنتى شكلك بيعكس شخصيتك دا بينعكس على وجودك طول ما إنتى موجودة في المكان بروحك، والناس هتلاحظ دا وهيتقال عليكي مين الست الشيك دي.
شاهد الفيديو ..
كوكو شانيل قالت إيه
وأضافت : السؤال المهم هو هنلبس إيه فى رأس السنة؟، وهنا فى مقولة مهمة جدا قالتها كوكو شانيل وهي : الست الشيك بلاحظها الأول قبل ما بلاحظ هى لابسه إيه، ودا أهم درس إنك تختاري الحاجة اللي تبين روحك وإنتى مين على حقيقتك، لكن لو بتستخبى ورا الهدوم اللى إنتى لابساها يبقى دا نوع من الخوف والتوتر.
جمالك vs جاذبيتك
وتابعت : كل واحدة فينا بتهتم تبقى حلوة وجذابة ودا طبعا حقها، لكن متعلمناش إن الجاذبية دايما فى الهدوء، والأهم إن الجاذبية هي اللي بتبقى مش الجمال الصارخ، لأنها بتتنسي فى لحظتها هي بس بتلفت النظر لمدة ثانية لكن الجاذبية هى تأثير وجودك فى المكان ودا عمره ما بيتنسي.
