علا شلبي خبيرة صورة ومظهر : ابعدي عن الأحمر والأخضر فى رأس السنة
يحتفل العالم خلال الساعات القادمة ببداية عام جديد، وباختلاف طريقة احتفال كل شخص أو أسرة بالسنة الجديدة، تبحث الفتيات والسيدات عن ستايل ولوك مختلف يتناسب مع احتفالات الكريسماس وبداية العام الجديد.
سيطرة الأحمر والأخضر
وهناك ارتباط أو اعتقاد بين بعض درجات الألوان وتنسيق لبس خروجات رأس السنة والكريسماس، فكثيرا ما نجد أغلب المحلات يظهرون اللونين الأحمر والأخضر كأحد أبرز درجات الألوان المناسبة لأى outfit فى هذا التوقيت من العام بمختلف الأعمار، ورغم إختلاف ستايل وطبيعة جسم كل بنت إلا أن هذان اللونين يكون ليهم نصيب الأسد فى كل عام.
شاهد الفيديو ..
حقيقة ارتباط الأحمر والأخضر بالكريسماس
وفى حوار خاص لـ آخر خبر TV، تحدثت علا شلبى خبيرة الصورة والمظهر، عن سر اعتماد اللونين الأحمر والأخضر فى خروجات رأس السنة، وقالت في تصريحات خاصة : طبعاً اعتماد الأحمر والأخضر دا تقليد، مافيش حاجة أساسية بتقول إننا لازم نلبس أحمر وأخضر فى الكريسماس.
ألوان ممكن تلبسيها فى رأس السنة
وتابعت : أما بالنسبة ليا بشوف إن الكريسماس ورأس السنة دا سيزون، مود فيه راحة ولمعة، وبالتأكيد فى ألوان تانية كتير ممكن تتلبس فى خروجات رأس السنة، زي Creme, الشامبين، الفضي والأسود طبعًا ملك الألوان لو فى سهرة أو حاجة، برضو الكحلى بيكون مميز جداً لما بيتحط مع الجولد بيدى إحساس شيك جدآ.
تأثير الإكسسوار على اللوك
وعن القطع التى تساعد فى تغيير شكل اللوك لخروجة رأس السنة بدون تكاليف كثيرة، قالت علا شلبي : طبعًا الإكسسوار هو الجوكر، ممكن يغير الـ outfit من ستايل إنتى لابساه الصبح لشكل تانى خالص مناسب لسهرة بالليل لو بكل بساطة غيرتى الحلق أو العقد لو إنتى مش محجبة، أما لو محجبة فالعُقد والشنطة بيفرقوا جدا فى شكلك لو عايزة تخلقى تغيير بسيط، كمان الميك أب ليه دور كبير فى تغيير الشكل كله.
ألوان تريند فى شتاء 2026
وبالتزامن مع بداية شتاء 2026 اتجهت بعض الألوان باعتبارهم تريند هذا العام، ومنهم الألوان الدافئة مثل الزيتي، البني، الكراميل، والشوكولاته، ويستمر اللون العنابي أو البرغندى فى صدارة ألوان شتاء ٢٠٢٦، كما ظهرت الألوان الباستيل، إلى جانب الأسود و الأبيض.
