إمتى نبدأ عزومات رمضان؟ .. نادين جاد خبيرة الإتيكيت توضح
مع اقتراب شهر رمضان الكريم، يحرص الكثيرون علي التجمع ولم شمل العائلة والأصدقاء والمقربين على الإفطار أو السحور، ولأن العزومات لها طابع خاص فى شهر رمضان بالتحديد، من حيث التحضير للأكل وتنسيق المنزل وشراء الطلبات، إلي جانب العنصر الأهم وهو الاتصال بالضيوف، لكن يقع الكثير من الناس فى حيرة نبدأ بمين؟ هل الأقارب من الدرجة الأولى أم الأصدقاء والمديرين فى العمل.
امتى نبدأ فى مكالمات عزومة رمضان
وتحدثت نادين جاد، خبيرة الإتيكيت، عن موعد دعوة الضيوف على عزومة رمضان، وقالت فى تصريح خاص لـ آخر خبر TV : الإتيكيت بيقول إننا بنبتدى مكالمات عزومات رمضان قبلها من 4 لـ 7 أيام قبل العزومة، علشان ندى فرصة للمعزوم إنه يضبط أموره، ويبلغنا إن كان هيقدر ييجي أو لأ، ودا بيتم عن طريق مكالمة تليفون، وبنتفق هل اليوم مناسب ولا لأ.
شاهد بالفيديو ..
العيلة أولاً ثم الأصدقاء وزملاء العمل
وتابعت : بالنسبة للعزومات فبتكون للأهل من الدرجة الأولى فى أول أسبوع من شهر رمضان الكريم، يعني الأب والأم والحماة والأخوات من الطرفين أو المقربين من الدرجة الأولى، وبالنسبة بقى لتاني وتالت أسبوع من رمضان، فبنحددهم للأصدقاء والجيران والزملاء فى العمل، وبرضو بيكون عن طريق مكالمة تليفون لكل شخص بنشوف اليوم المناسب معاه.
أضافت : أما آخر أسبوع فى رمضان فدا بيكون مخصص للعبادة بقى وتحضير نفسنا للعيد، ولو حبينا بتكون العزومات واخدة طابع الديش بارتي أو الأكلات الخفيفة علشان أغلب الناس بيكونوا زهقوا من الأكل الدسم.
