إيه اللي يليق على جسمك؟ .. علا شلبي خبيرة الصورة والمظهر توضح
فن اختيار اللبس له قواعد كثيرة أهمها معرفة كل فتاة لحدود وشكل جسمها، مما يسهل عليها اختيار القطع الأنسب لها دون عناء شراء قطع غير مناسبة مع طبيعة الجسم أو اللايف ستايل الخاص بيكي.
إزاى أعرف إيه اللي بيليق على جسمى
وبسؤال علا شلبى خبيرة صورة ومظهر عن الطرق التي تسهل على الفتيات معرفة الملابس التي تليق على جسم كل منهن، قالت فى حوار خاص لـ آخر خبر TV : علشان أبسطها على الناس، لازم نعرف أن فى تفاصيل كتير متعلقة بكل الجسم زى شكل المثلث والكمثرى، ومش أى حد هيعرفها لأن دى حاجة بروفيشنال أكتر.
وتابعت : القاعدة الأساسية لكل بنت إنك تخلقى حاجة اسمها توازن بين الجزء اللي مش عايزاه يبان أو تدارية، وبين الجزء اللي عايزاه يظهر فى جسمك.
اخلقى توازن فى شكل جسمك
وأضافت : التوازن دا بيحصل لما تضلمى الجزء اللي شايفة أن فيه مشكله فى جسمك، فالأفضل إنك تختاري لون هادى أو غامق فى الجزء دا، وتبعدى عن التطريز والرسومات، أما لو جزء بتحبى تظهريه فى شكلك يبقى لازم تختارى ألوان فاقعة وإكسسوارات ورسومات علشان تسلطى الضوء على الجزء دا، وبكدا تبقي حققتي التوازن فى شكل جسمك.
شاهد الفيديو ..
معتقدات خاطئة عن الموضة
وعن أبرز الأخطاء المتعلقة بالموضة التى تقع فيها البنات، قالت : فى حاجات كتير بشوفها ممكن تكون أخطاء أو معتقدات عن الموضة، زي مثلا أن اللوك كله يكون براندات باينة، لا هو مش لازم ومش لازم أصلا نلبس براند علشان نبان شيك، ولو هنتكلم عن قواعد الفاشون فممكن نلبس قطعة أو اتنين هما اللي براند واضح مش أكتر من كدا، لكن من اللوك كله علامات لأ دا مش صح خالص.
وتابعت : أما تانى معتقد عن الفاشون، هو إننا لازم نمشي ورا الموضة بدون تفكير هى لايقه عليا ولا لأ، والفكرة أصلاً اللي لازم نعرفها أن الموضة معمولة علشانا، وإحنا اللي نقرر إيه اللي لايق علينا وإيه اللي مش مناسب، ومينفعش نكون ضحية للموضة لازم نبقى بوعى وعارفين بنختار إيه.
اللبس الضيق مش موضة
وبالنسبة لتالت معتقد خطأ عن الموضة قالت علا: بلاحظ إن فى بنات كتير بيلبسوا ضيق أوى من فوق ومن تحت، ومش بتحط فى اعتبارها شكل جسمها، كلنا عندنا حاجات فى جسمنا عايزين نداريها، فعمر ما كان اللبس الضيق دليل انك شيك بالعكس ساعات الوسع بيكون شياكه واناقة، إن أنا البس المناسب ليا دا قمة
