إزاى نرجع لنظامنا الغذائي بعد رمضان؟ .. آية هانى توضح

أيام قليلة تفصلنا عن انتهاء شهر رمضان الكريم، وكثير من الأشخاص يعانون فى فترة العيد من التخمة وانتفاخ بالجسم، بسبب إدخال الطعام بشكل مفاجئ بعد صيام أكثر من 11 ساعة يوميا لمدة شهر كامل، لذلك يحاول البعض البحث عن طرق صحية تسهل عليهم مرور الأيام الأولى بعد شهر رمضان الكريم.

سارة فودة خبيرة الفلك والتاروت: عمرو سعد الأعلى مشاهدة فى رمضان ٢٠٢٦.. وأحمد سعد عنده رغبة فى العزلة

نصائح آية هانى لاختيار أكل صحى فى عزومات رمضان

إزاي نرجع الجسم لنظام 3 وجبات

وتحدثت دكتور آية هانى أخصائي التغذية العلاجية عن الطرق الصحيحة لإدخال 3 وجبات على الجسم بعد شهر رمضاك الكريم، وقالت فى حوار خاص لـ آخر خبر  TV : خلينا نتفق علي حاجة إننا لازم نحط نظام نمشي عليه، يعني اللي كان ماشي فى رمضان على وجبتين بس هيكمل عادى، واللي كان بياكل 3 وجبات، هيبدأ تدريجيا يعود الجسم أن فى وجبة فطار رجعت تاني.

فطار خفيف أول أيام العيد

وتابعت : هنبدأ بوجبة فطار خفيفة كأنها سناك، وبعدين هرجعها وجبة متكاملة العناصر واحدة واحدة، نبدأ بالفواكه سواء تفاح أو موز أو فواكه عليها شوفان، كمان فى أفكار تانية زي البيض ممكن ناخد بيض مسلوق، أو طبق جبنة قريش صغير  مع خيار وطماطم.

ريهام الهوارى: أقوى ست هى أكتر واحدة متصالحة مع أنوثتها

كلاسيكيات العيد .. أفلام لا تفوتك في الكريسماس

وجبة تدريجية بعد رمضان

تابعت : أهم حاجة إننا نركز أن إدخال وجبة الفطار يكون بالتدريج وبسيط، مش وجبة متكاملة فى العناصر  عشان ميحصلش تعب وتخمه مفاجأة للجسم، فاختيار الوجبة الخفيفة بمكونات بسيطة، أسهل طريقة فى فترة بعد شهر رمضان عشان نرجع لروتين أكل طبيعي من جديد.

الدايت vs عزومات رمضان

وتحدثت دكتور آية هانى، أخصائي التغذية العلاجية، من قبل عن كيفية تعامل الشخص الذى يتبع دايت معين فى عزومات سفرة رمضان، وقالت فى حوار خاص : بالنسبة للعزومات أنا ضد فكرة لو أنا عامل دايت، أقف وأقول معلش مش هقدر أقعد معاكم أصل أنا عامل دايت، مش هقدر أكل، لأنى مش باكل غير مشوى والأكل دا كله دسم.

وتابعت : كل التصرفات دي غلط جدآ وغير مقبولة، أولاً لأن الشخص دا كدا بيلفت النظر له، وبيخلي كل اللي قاعدين مركزين معاك جداً غصب عنهم، وبالتالي هيعملوا إيه هيحاولوا يقنعوك بالأكل أنه خفيف ومافيش سمن كتير وتبدأ المحايلات.