قطع أساسية فى دولاب كل بنت .. علا شلبى توضح
تشعر الكثير من الفتيات بحيرة يومية بسبب عدم قدرتهن على اختيار أوت فيت يومى، سواء للعمل أو لو كانت طالبة، مرددين الجملة الشهيرة معنديش لبس، ورغم أن هذه الجملة تكون غير منطقية أو حقيقة فى كثير من الأحيان، إلا أن شراء القطع بشكل عشوائي دون تنسيق جيد يشعرك فعلًا بعدم وجود قطع مناسبة للنزول، لذلك يجب على كل بنت اقتناء بعض القطع الأساسية فى الدولاب مما يساعدها على تنسيق ملابسها بشكل أكثر أريحية.
قطع أساسية لازم تكون فى دولابك
وبسؤال علا شلبى خبيرة صورة ومظهر عن القطع الأساسية فى دولاب كل بنت، قالت فى حوار خاص لـ آخر خبر TV : طبعاً القطع الأساسية اللي بنقول عليها دى حجر الأساس، اللي بقدر أبنى عليه أي أوت فيت زى البنطلون الجينز، لازم كل بنت يكون عندها بنطلون جينز مريح وقصته مظبوطه عليها، لونه مناسب لأغلب اللبس ومش مقطع ولا ترند.
البنطلون الأسود الكلاسيك
وتابعت : كمان البنطلون الأسود بينفع جداً لو عندك ميتنج أو خروجة شيك، وزى ما قولت اللون الأسود هو جوكر فى أى طقم بتجهزيه لأى وقت.
قميص أبيض
وأضافت : بالنسبة للقميص الأبيض مهم قوى لأنك ممكن تلبسيها الصبح بستايل كاجوال وبعد الظهر بستايل تانى أو مقابلة شغل بستايل فورمال مختلف تماما
Nude shoes
أما الجزمة لو هختار واحدة يبقى اللون الـ nude وتكون بكعب عشان تناسب الشغل أو المقابلات الرسمية، كمان اختيار كويس أوى لخروجات بليل. ولو هنتكلم عن جزمة مريحة يومية بالتأكيد الـ white sneakers بقيت الاختيار المفضلة لأغلب البنات.
وفي سياق متصل تحدثت علا شلبى فى تصريحات خاصة لـ آخر خبر TV عن خطوات اختيار البنطلون الصحيح قالت : خلينا الأول نعرف موضة البنطلونات الفترة دي، وظهر مؤخرا الـ Ballon Pants أو بنطلون علاء الدين زي ما بنقول عليه، هو بيكون منفوخ شوية وفيه استيك من الآخر، ظهر منه أنواع قماش كتير زي الجينز و بالبنطلون الكلاسيك القماش و الستان الخفيف طالع موضة جدآ.
تابعت : ولسه مكمله معانا البنطلون الباجى، والـ wide leg pants والـ straight leg، أما الـ slim jeans بدأ يرجع تاني مش skinny لكن الـ straight slim.
