ميسي .. من موهبة واعدة إلى بطل العالم
عندما يُذكر كأس العالم، يصبح من المستحيل المرور مرور الكرام دون الوقوف إجلالاً أمام اسم الأسطورة ليونيل ميسي، الذي خطى أولى خطواته في المعترك المونديالي وهو في الثامنة عشرة من عمره، ليدشن رحلة ملحمية طويلة، تقاطعت فيها أمواج الضغوط العاتية بدموع الانكسارات وفرحة المجد.
رحلة كفاح قادته في نهاية المطاف لعناق اللحظة التاريخية التي طالما غازلت أحلامه وطوّق بها أعناق محبيه، متوجاً بالذهب الذي تمنّاه طوال مسيرته.
بداية الحكاية.. ميسي الصغير يدخل المونديال
القصة بدأت سنة 2006، لما ميسي ظهر لأول مرة في كأس العالم مع منتخب الأرجنتين وهو عنده 18 سنة. وقتها كان لسه بيقول للناس "استنوا عليا"، وفعلاً بدأ يلفت الأنظار، لكن المشوار وقف عند ربع النهائي.
في 2010، رجع ميسي وهو نجم أكبر، والجمهور كان مستني منه كتير، لكن الحكاية خلصت تاني عند ربع النهائي.
حلم الكأس يضيع.. قبل لحظة المجد
مونديال 2014 كان قريب جدًا، ميسي وصل بالأرجنتين للنهائي، وكان ناقص خطوة واحدة بس عشان يمسك الكأس، لكن النهاية كانت حزينة، وراح اللقب لألمانيا.
وبعدها في 2018، كانت بطولة صعبة، وخرجت الأرجنتين من دور الـ16، والناس بدأت تسأل: هو الكأس هيفضل بعيد عن ميسي؟
اليوم اللي ميسي قفل فيه الكلام
لكن ميسي كان له رأي تاني في عام 2022 وهو عنده 35 سنة، وقرر يعمل أجمد نهاية للقصة، ورفع كأس العالم لأول مرة، وخلى كل اللي قالوا مش هيعملها يسكتوا.
أرقام ميسي في المونديال
ميسي شارك في 6 نسخ من كأس العالم، لعب 26 مباراة، وسجل 13 جون، وبدأ الرحلة سنة 2006 وهو شاب صغير، ووصل لمونديال 2026 وهو عنده 38 سنة في مشاركة تاريخية جديدة.
في النهاية، ميسي بدأها كلاعب موهوب الناس مستنية تشوف هيعمل إيه، وأنهاها وهو بطل عالم وأسطورة كروية صعب تتكرر. يعني باختصار... الولد اللي دخل المونديال يدور على حلمه، خرج منه وهو واخد الحلم كله في جيبه.
