هل الطلاق بيأثر على الجسم ؟ .. شايان رمضان معالجة الصدمات بالخبرة الجسدية تجيب
حلت شايان رمضان، معالجة الصدمات بالخبرة الجسدية، ضيفة على برنامج Mini Talks، الذي تقدمه الإعلامية هند رضا، عبر منصات آخر خبر TV، وتحدثت خلال اللقاء عن مرحلة الطلاق وعلاقته بالتروما - Trauma، وتأثيرة على الجسم، وكيفية تخطي هذه المرحلة.
وقالت شايان رمضان : خلينا نقول إن صدمة الطلاق هي تاني أكبر صدمة بعد فقد حد عزيز علينا قوي، لأننا بنفقد حياة وصورة، وأي بنت بتكون عايزة تتجوزي علشان يكون عندك بيتك وزوجك وأولادك، وفجأة الصورة دي بتروح.
وتابعت : المشكلة هنا إن الشخص اللي الست بتفقده عايش، وكمان في تعامل معاه خاصة لو في أولاد، وفي مشاعر كتير قوي وهي محتاجة تقعد معاها وترجعها لنفسها الأمان لأن في أطفال.
معنى الـ Trauma
كما كشفت شايان من قبل تعريف الـ Trauma، وقالت : بقينا نسمع مصطلح التروما من غير ما نعرف أصلها، لكن الـ Trauma هي كلمة يونانية معناها الجرح ودي حاجة مش بنشوفها لكن بنحسها كل يوم، حسب إزاي بتتعاملي مع جسمك، وتابعت : التروما مش في الحدث، لكن، الجسم كان عنده استيعاب قد إيه بيتعامل مع الحدث ده.
ويعرف الخبراء التروما أو الصدمة، بأنها الحالة النفسية أو المرضية، وهي عاطفية ونفسية فعالة تنتج عن التعرض لحدث مؤلم، مرعب، أو مهدد للحياة مثل، الحرب، اختر، أو مفاجئ عزيز يتفوق على قدرة الفرد على الاختيار أو الاندماج، قد تؤدي إلى أعراض قلق واضطرابات طويلة الأمد.
خطورة التروما
وتحدثت شايان رمضان من قبل عن خطور التروما، وقالت : خطورة التروما بتكون حسب طبيعة كل جسم، في الحالة دي والوقت ده والساعة دي، فلو حصل حاجة في الوقت ده أكبر من قدرتنا إننا نتحملها الطاقة اللي عايزة تطلع مش هتطلع وهتتخزن، وتخزين على تخزين بيخلي الجسم طول الوقت مش بيريح.
طريقة الحماية من الـ Trauma
وأضافت : في 3 طرق للجهاز العصبي يحمي بيها الجسم، هما القتال والهروب والتجمد، الجسم هنا لم بيتحط في موقف هو مش قادر يستوعب الضغط بتاعه ده، بتلاقي الجهاز العصبي عايز يحميكي، هنا بيجمع الطاقة في إيدي وفي وشي، علشان أعرف أتخانق، لكن ساعات مش بيكون عندي الحاجة دي، لكن ساعات الطاقة دي بتكون متجمدة جوا الجسم.
