مايان السيد : بابا كان شايف إن التربية بالعنف ومن غير Therapy عمري ما كنت هسامحه
حلت مايان السيد ضيفة على الإعلامي أنس بوخش في برنامج ABtalks المذاع عبر يوتيوب، وكشفت خلال اللقاء تفاصيل مؤثرة عن طفولتها.
طفولة مايان
وقالت مايان : بابا اتعلم في بيته إن التربية بتيجي بالعنف، فكان بيربيني بالطريقة دي، ووقتها كنت شايفاه وحش جدًا وكنت بخاف منه، وأنا صغيرة مكنتش متخيلة إن ده هيأثر عليّا نفسيًا لما أكبر، ومكنش ليا صحاب وأنا صغيرة، ومن غير Therapy عمري ما كنت هاسامحه، والـ Therapy عرفني ليه بابا كانت طريقته كده معايا، أنا فضلت سنين رافضاه، ومكنتش حتى ببص في عينيه.
فيلم ولنا في الخيال .. حب؟
ومن ناحية أخرى، عرض مؤخرا لـ مايان السيد فيلم ولنا في الخيال حب، من بطولة أحمد السعدني، عمر رزيق، وعدد من الوجوه الشابة منهم سيف حميدة وفريدة رجب، عفاف مصطفى، والعمل قصة وإخراج سارة رزيق، ومدير التصوير محمد جاد، والموسيقي التصويرية خالد حماد، ومهندس الديكور حمزة طه، المونتير أيمن منصور، مصممة الأزياء ليلى ماجد، ومهندس الصوت علاء عاطف، ومكساج لمحمد صلاح، ومن إنتاج ريد ستار لباهو بخش وصفي الدين محمود.
تفاصيل فيلم ولنا في الخيال حب
فيلم ولنا في الخيال حب تدور أحداثه في إطار تشويقي رومانسي ميوزيكال، حول أستاذ جامعي يجسد خلاله أحمد السعدني انطوائي تقتحم حياته طالبة جامعية تجسد دورها مايان السيد، وتتطور الأحداث بحيث يتورط في علاقتها بحبيبها ويضطر لمواجهة نفسه بوقوعه أيضًا في حبها.
الدكتور مجدي يعقوب في ABtalks
وحلّ الدكتور مجدي يعقوب مؤخرا ضيفًا على أنس بوخش، في برنامج ABtalks المذاع عبر يوتيوب، وتحدث خلال اللقاء عن طفولته وبداياته مع حلم الطب، وقال يعقوب : أنا كنت هادي جدًا في الطفولة، مكنتش بتكلم، وقاعد في الفصل ورا، وبعدين لما كانت تطلع النتيجة ألاقي نفسي الأول، فقالوا الواد ده بيغش، ولما لقوني مش بغش قالوا عنده حاجة في المخ، وودوني لدكتور أعصاب، وده خوفني جدًا، كنت مستغرب ليه تودوني لدكتور أعصاب، والدكتور سألني إنت ليه مش بتتكلم؟.
بدايته مع الطب
وأضاف : من سن 5 سنين كنت عايز أبقى دكتور، بسبب إن عمتي ماتت وهي عندها 22 سنة من صمام ضيق، ووالدي انهار، فقولت له هبقى جراح قلب، قالي اسكت إنت لسه صغير وعمرك ما هتبقى جراح قلب، فكان ده تحدي ليا، وبعد كده شفت مين أحسن جراح قلب في العالم، وكان ساعتها MR Brock، وبقيت المساعد بتاعه.
