مايان السيد : دخلت التمثيل وعمري 17 سنة وبدأت أصرف على نفسي
حلت مايان السيد ضيفة على الإعلامي أنس بوخش، في برنامج ABtalks المذاع عبر يوتيوب، وكشفت خلال اللقاء عن تفاصيل دخولها عالم الفن، وأسرار في حياتها الشخصية.
دخول مايان عالم الفن
وقالت مايان السيد : وأنا في المدرسة كانت شخصيتي ضعيفة، ومكنش ليا صحاب، أو حد بينزل معايا البريك، وده خلاني أهرب للأفلام والمسرح، وحببني في التمثيل، يمكن ربنا خلّى دي تبقى تجربتي في الحياة علشان ألاقي حاجة أحبها، وده كان هروبي، ودي كانت الطريقة اللي خلت الناس تركز معايا.
وأضافت: بدأت التمثيل وأنا في تالتة ثانوي، وروحت أوديشن إعلان بالصدفة واتقبلت، ومن وأنا عندي 17 سنة وأنا بصرف على نفسي لحد دلوقتي.
فيلم ولنا في الخيال .. حب؟
ومن ناحية أخري، عرض مؤخرا لـ مايان السيد فيلم ولنا في الخيال حب، من بطولة أحمد السعدني، عمر رزيق، وعدد من الوجوه الشابة منهم سيف حميدة وفريدة رجب، عفاف مصطفى، والعمل قصة وإخراج سارة رزيق، ومدير التصوير محمد جاد، والموسيقي التصويرية خالد حماد، ومهندس الديكور حمزة طه، المونتير أيمن منصور، مصممة الأزياء ليلى ماجد، ومهندس الصوت علاء عاطف، ومكساج لمحمد صلاح، ومن إنتاج ريد ستار لباهو بخش وصفي الدين محمود.
تفاصيل فيلم ولنا في الخيال حب
فيلم ولنا في الخيال حب تدور أحداثه في إطار تشويقي رومانسي ميوزيكال، حول أستاذ جامعي يجسد خلاله أحمد السعدني انطوائي تقتحم حياته طالبة جامعية تجسد دورها مايان السيد، وتتطور الأحداث بحيث يتورط في علاقتها بحبيبها ويضطر لمواجهة نفسه بوقوعه أيضًا في حبها.
الدكتور مجدي يعقوب في ABtalks
وحلّ الدكتور مجدي يعقوب مؤخرا ضيفًا على أنس بوخش، في برنامج ABtalks المذاع عبر يوتيوب، وتحدث خلال اللقاء عن طفولته وبداياته مع حلم الطب،وقال يعقوب : أنا كنت هادي جدًا في الطفولة، مكنتش بتكلم، وقاعد في الفصل ورا، وبعدين لما كانت تطلع النتيجة ألاقي نفسي الأول، فقالوا الواد ده بيغش، ولما لقوني مش بغش قالوا عنده حاجة في المخ، وودوني لدكتور أعصاب، وده خوفني جدًا، كنت مستغرب ليه تودوني لدكتور أعصاب، والدكتور سألني إنت ليه مش بتتكلم؟.
بدايته مع الطب
وأضاف : من سن 5 سنين كنت عايز أبقى دكتور، بسبب إن عمتي ماتت وهي عندها 22 سنة من صمام ضيق، ووالدي انهار، فقولت له هبقى جراح قلب، قالي اسكت إنت لسه صغير وعمرك ما هتبقى جراح قلب، فكان ده تحدي ليا، وبعد كده شفت مين أحسن جراح قلب في العالم، وكان ساعتها MR Brock، وبقيت المساعد بتاعه.
