موضة 2026 لـ GenZ .. لميس خليل توضح
ينفرد دائما GenZ بتقاليع وموضة خاصة بهم، ورغم ظهور تريندات وموضة بالتزامن مع كل موسم، إلا أن الأغلبية من هذا الجيل، يميلون لستايل مختلف، لا يرتبط بألوان أو قطع موضة السنة، وبالتزامن مع بداية فصل الربيع وقرب الصيف نتعرف على بعض القطع التى يفضلها Gen z فى صيف 2026.
شاهد بالفيديو ..
موضة التوب الدانتيل
وبسؤال الاستايلست لميس خليل، عن موضة GenZ فى صيف 2026، قالت : أكتر حاجة طالعة موضة قوى، وبشوفها علي بنات فى سن المراهقة، وعجبانى بصراحة جداً، هى التوب الدانتيل الليكرا بكم، دا بيبقى لذيذ قوى للبنات، يا GenZ، يا teenage، على البنطلونات الـ straight أو الـ Denim wide leg، ولو الجو برد شوية ممكن تحطي شال أو تلبسي جاكيت أوفر سايز.
نصيحة لـ GenZ
وتابعت : عندي بقى نصيحة مهمة جدا لـ GenZ، لما بنعمل ميكس بين خامتين مختلفين من حيث القماش، يعني لو لابسه حاجة كاجوال مع حاجة كلاسيك، بيخليني اللوك مختلف تماما، انتي ممكن تكونى لابسه حاجات عادية، بس عاملة ميكس فى الـ outfit بين two different styles.
أقمشة مختلفة فى لوك واحد
وأضافت : برضو لما تلبس دانتيل توب وعليه بنطلون جينز، إنتي كدا شكلك مختلف، ولذيذة وعلي الموضة أوى، ودا مش مرتبط بخروجه الصبح أو بليل.
موضة الـ animal prints
وفى سياق متصل تحدثت لميس خليل عن تأثير قطع بعينها علي اللوك، وقالت : فى قطع مهمه كمان زي الكارديجان والجاكيت، مع بنطلون جينز أو قماش وتوب ابيض أو أي لون عادى، عشان كدا بأكد أن بقطعة واحدة بس تقدرى تبقى شيك وعلى الموضة ومن غير تكلفة كبيرة عشان تشترى طقم كامل فى ظل غلاء الأسعار الفترة دى، وممكن كمان بنفس الطقم تلبسي جزمة، يعني لو خارجة الصبح هتلبسي سنيكرز معينه زى animal prints، سواء zebra أو leopard animal prints، كل الحاجات دي مكمله معانا فى موضة 2026، تلبسيهم فى جزمة أو شنطة أو إكسسوارات، حتي لو جاكيت، هتخلي الاوت فيت بتاعك مختلف تماماً.
تأثير الإكسسوارات علي اللوك
أضافت: الإكسسوارات كمان عليهم عامل كبير أوى فى شكلك، إنتي ممكن بقطعة تخلي اللوك بتاعك مناسب للصبح، وبقطعة تانية يكون مناسب لسهرة حلوة بليل، كمان تسريحه الشعر بتفرق فى الشكل، ودول بقوا كتير أوى بنشوف أفكار وتريندات علي السوشيال ميديا.
