إزاى ترتبى دولابك بطريقة صحيحة؟ .. علا شلبى خبيرة الصورة والمظهر توضح
تستغرق الكثير من البنات وقت طويل بشكل يومى فى اختيار الملابس التى ترغب فى ارتدائها، ويكمن السبب الأساسى لاستغراق الوقت في طريقة تنظيم الدولاب التى تعتمدها كل فتاة فى دولابها الخاص.
فإذا كان النزول بشكل يومى للعمل أو للدراسة فتحتاجى طريقة بسيطة تسرع من عملية اختيار الـ outfit، أو إذا كنتى أم ودائماً تبحثين عن القطع المريحة والسريعة، يجب أن تختاري الطريقة المناسبة لتنظيم دولابك.
ترتيب الدولاب حسب الـ outfit
وبسؤال علا شلبى خبيرة الصورة والمظهر عن كيفية ترتيب دولاب الملابس بطريقة جيدة، قالت فى تصريحات خاصة لـ آخر خبر TV : مفيش قاعدة لترتيب الدولاب، كل واحد يرتب دولابه بالطريقة اللي تريحه، يعنى مثلاً ممكن ناس تفضل ترتب دولابها بالـ أوت فيت ودول عادة الناس اللي بتشتغل، بيصحوا معندهمش وقت وعايزين يسحبوا طقم كامل يلبسوه.
شاهد بالفيديو ..
ترتيب الدولاب حسب الألوان
وتابعت : فى شخصيات تانية بيفضلوا ترتيب الدولاب بالألوان، يعني القطع اللي لونها أبيض مع بعض والأسود مع بعض، وده بيساعدهم يشوفوا حاجتهم أحسن.
ترتيب الدولاب حسب القطعة
وأضافت : النوع الأخير بيحبوا يرتبوا بالقطعة، يعني الشيميزات مع بعض والبنطلونات فى مجموعة منفصلة، علشان كدا بقول مفيش قاعدة لترتيب الدولاب، أهم حاجة تكون طريقة مناسبة ليا ومريحة بحيث لما أفتح دولابي أعرف أختار هدومى بسرعة.
معتقدات خاطئة عن الموضة
وفى سياق متصل، تحدثت علا شلبي خبيرة صورة ومظهر، من قبل، عن أبرز الأخطاء التى تقع فيها البنات متعلقة بالموضة وقالت : فى حاجات كتير بشوفها ممكن تكون أخطاء أو معتقدات عن الموضة، زي مثلا أن اللوك كله يكون براندات باينة، لا هو مش لازم ومش لازم أصلا نلبس براند عشان نبان شيك، ولو هنتكلم عن قواعد الفاشون فممكن نلبس قطعة أو اثنين هما اللي براند واضح مش أكتر من كدا، لكن من اللوك كله علامات لأ دا مش صح خالص.
واختتمت : أما تانى معتقد عن الفاشون، هو إننا لازم نمشي ورا الموضة بدون تفكير هى لايقه عليا ولا لأ، والفكرة أصلا اللي لازم نعرفها أن الموضة معمولة عشانا وإحنا اللي نقرر إيه اللي لايق علينا وإيه اللي لأ، مينفعش نكون ضحية للموضة لازم نبقى بوعى وعارفين بنختار إيه.
