ليه عندنا هوس بالبراند؟ .. علا شلبى خبيرة الصورة والمظهر توضح
هوس الشراء لم يعد مرتبط فقط باقتناء قطع جديدة طوال الوقت، لكن انتشر مؤخرا حب شراء قطع من أى براند حتى وإن كانت كوبى لمجرد الاقتناء، وكأن ماركة اللبس ومدى غلو البراند دليل على الشياكة، دون النظر إلى مدى جودة هذه القطعة أو معرفة أصل وتفاصيل البراند نفسه.
وتحدثت علا شلبى خبيرة الصورة والمظهر عن طرق التعامل مع هوس شراء البراندات دون وعى، وقالت فى تصريحات خاصة لـ آخر خبر TV : أنا لما بروح أشتري من البراندات دي، ببقى عارفة إنى بشترى كواليتي معينة مش رايحة أشترى اسم وخلاص، هما طبعا ليهم اسم وتاريخ، علشان طريقة تصنيع معينة وخدمة وخامات هتعيش معايا.
الفرق بين البراند الأصلى والكوبى
وتابعت : عايزة أقول إن فى مثلا شنط سعرها بيزيد كل ما تشتريها، لو فكرتي تبيعها بعد 30 سنة السعر بيزيد الضعف، ممكن نقول قطع تورث، فأنا لما بروح أشترى أى حاجة براند بكون فاهمة أنا بستثمر فلوسى في إيه، لكن لما اروح أشتري الكوبي، إنتى كدا استفدتى إيه، اسم مش حقيقى بدون أى مميزات.
شاهد الفيديو ..
الشياكة مش مرتبطة بالبراند
وأضافت : الأحسن فى الحالة دي أروح اشترى مثلاً شنطة جلد طبيعي متقفلة كويس وهتعيش معايا وجميلة جدآ بدون أي اسم براند، فالناس اللي بتلجأ للكوبى مش بيكونوا فاهمين الفكرة من البراند نفسه، ودا من الأهداف اللي دايماً بحب ابينها، قبل ما أشترى وخلاص وأدفع فلوس لازم تعرفى إنتي بتحطيها في منتج شكله عامل إزاى وإيه أهميته.
خطوات بسيطة لمعرفة ستايل الشنطة المناسب
وفى سياق متصل، تحدثت علا شلبى عن كيفية اختيار الشنطة المناسبة لطبيعة كل جسم، وقالت : طيب كل واحدة لازم تعرف الـ scale بتاعها إزاى، بطريقة بسيطة لو مسكتى إيدك ولفيتي صوابعك على رسغ اليد لو لمسوا بعض يبقى إنتى عادى regular، يليق عليكي الاكسسوارات والشنط متوسطة الحجم.
أما لو صوابعك لمسوا بعض ولفوا، يبقي إنتى الـ scale، بتاعك صغير وبالتالي بيليق عليكي كان حلجه صغيرة ورفيعة، شنط وإكسسوارات وخواتم كلهم صغيرين فى الحجم، لكن لو الصوابع موصلوش لبعض يبقي الـ scale بتاعك كبير، فيكون اتجاهك للشنط الكبيرة والإكسسوارات، أى حاجه فيها رسومات واضحة.
