ما هي تقاليع الأحذية فى شتاء 2026؟ .. علا شلبى خبيرة الصورة والمظهر تجيب
لا تقتصر الموضة كل عام على ملابس معينة أو سيطرة ستايل بعينه وتقاليع جديدة فقط، بل تمتد الموضة للأحذية والشنط، لأنها جزء أساسي من أناقة كل فتاة وسيدة تتوقف على مدى قدرتها على اختيار الحذاء المناسب، ومع متابعتنا لموضة شتاء 2026، كان للأحذية نصيب كبير هذا الموسم، وبعد أن سيطر البوت على الساحة الشتوية ظهرت العديد من الأحذية الأخرى.
موضة الأحذية فى شتاء 2026
وتحدثت علا شلبى خبيرة الصورة والمظهر، عن تقاليع الأحذية فى شتاء 2026، وقالت فى تصريح خاص لـ آخر خبر TV : بالنسبة للموضة فى شتاء 2026، الخاصة بالأحذية، هنشوف البالرينا لسه موجودة وtexas boots، والبوت بتوكة، كمان الأحذية المربعة اللي من قدام دى موضة قوي.
شاهد الفيديو ..
High knee boots
وتابعت : بالنسبة للكعب الشكل التخين موضة فى موسم شتاء 2026، كمان الـ high knee boots موضة، والبوت اللي شبه الشراب بتكون ماسكة على الرجل من فوق، والستايل دا بتليق أوى علي الفساتين والجيبات.
الباليرينا مناسبة مع الفستان
وأضافت : طبعا لو هلبس فستان أو جيبة مش هيليق البوت المكرمش أو التخين، لانه هيكون volume كتير، دول مناسبين أكتر علي البنطلونات لو skinny أو ادخل البنطلون جوا البوت، أما الباليرينا بتليق جدآ على الجيبات، وعلى فكرة هي موضة جدآ السنة دي اللي هي full skirt و straight line satin skirt.
ألوان موضة 2026
وفى سياق متصل تحدثت علا شلبى عن درجات الألوان المنتشرة فى 2026، قالت: بالنسبة للألوان، هنلاحظ أن اللون البنى لسه مكمل موضة وبقاله سنتين، كمان اللون الزيتي واللون البرغندي بس اللى رايح شوية على موف أو بتنجانى أكتر، واللون الجراى موضة جدآ.
وعايزة أقول أنهم أعلنوا أن لون السنة فى 2026 هو الأبيض، ودى حاجة غريبة جدآ لأنهم عمرهم ما طلعوا اللون الأبيض موضة.
