إزاي تقومي بعد الطلاق؟ .. شايان رمضان خبيرة العلاج بالصدمات تجيب
حلت شايان رمضان، معالجة الصدمات بالخبرة الجسدية، ضيفة على برنامج Mini Talks، الذي تقدمه الإعلامية هند رضا، عبر منصات آخر خبر TV، وتحدثت خلال اللقاء عن مرحلة ما بعد الطلاق وكيف تتخطى الـ Trauma، وكيف تعود الست لنفسها وشخصيتها بعد الطلاق.
وقالت شايان رمضان : المفروض الست وقتها ترجع الأمان لنفسها، وتقول لجسمها إن آه دي حاجة كبيرة، وأنا فعلاً زعلانة ومش عارفة أعمل إيه مع الولاد، وأنا فيا اللي مكفيني وشايلة شيلة كبيرة، ومضطرة أتعامل مع بابا الأولاد.
إزاي تقومي بعد الطلاق؟
وتابعت : لازم نبدأ نعيد التفكير، ونرجع الأمان لجسمنا، وفي ناس بتتزنق هنا، وبتكون مش عارفة تسمع لنفسها، واتنفسي علشان الدم يوصل للمخ، لكن في ناس بتتزنق في الحتة دي ومش بتكون عارفة تعمل إيه، وأهم حاحة إنك تكوني حاسة بدعم، وحد تفضفضي معاه، من غير ما يحسسك بالذنب، اعملي الحاجات اللي بتحبيها وارجعي تاني لنفسك.
معنى الـ Trauma
كما كشفت شايان من قبل تعريف الـ Trauma، وقالت : بقينا نسمع مصطلح التروما من غير ما نعرف أصلها، لكن الـ Trauma هي كلمة يونانية معناها الجرح ودي حاجة مش بنشوفها لكن بنحسها كل يوم، حسب إزاي بتتعاملي مع جسمك، وتابعت : التروما مش في الحدث، لكن، الجسم كان عنده استيعاب قد إيه بيتعامل مع الحدث ده.
ويعرف الخبراء التروما أو الصدمة، بأنها الحالة النفسية أو المرضية، وهي عاطفية ونفسية فعالة تنتج عن التعرض لحدث مؤلم، مرعب، أو مهدد للحياة مثل، الحرب، اختر، أو مفاجئ عزيز يتفوق على قدرة الفرد على الاختيار أو الاندماج، قد تؤدي إلى أعراض قلق واضطرابات طويلة الأمد.
خطورة التروما
وتحدثت شايان رمضان من قبل عن خطور التروما، وقالت : خطورة التروما بتكون حسب طبيعة كل جسم، في الحالة دي والوقت ده والساعة دي، فلو حصل حاجة في الوقت ده أكبر من قدرتنا إننا نتحملها الطاقة اللي عايزة تطلع مش هتطلع وهتتخزن، وتخزين على تخزين بيخلي الجسم طول الوقت مش بيريح.
طريقة الحماية من الـ Trauma
وأضافت : في 3 طرق للجهاز العصبي يحمي بيها الجسم، هما القتال والهروب والتجمد، الجسم هنا لم بيتحط في موقف هو مش قادر يستوعب الضغط بتاعه ده، بتلاقي الجهاز العصبي عايز يحميكي، هنا بيجمع الطاقة في إيدي وفي وشي، علشان أعرف أتخانق، لكن ساعات مش بيكون عندي الحاجة دي، لكن ساعات الطاقة دي بتكون متجمدة جوا الجسم.
