الجزء الأول من ثاني حلقات أبيض وأسود .. أسرار إسماعيل ياسين التي أخفتها السنين
كشفت ميرفت إسماعيل ياسين، ابنة إسماعيل ياسين بالتبني، عن أسرار جديدة عن والدها الراحل، في الجزء الأول من الحلقة الثانية من برنامج أبيض وأسود، تقديم الناقد الفني محمد شوقي، والذي يعرض عبر منصات آخر خبر TV، وتحدثت عن حقيقة إفلاسه قبل وفاته وأزمته مع الضرائب، وفترة عمله في لبنان، وحبه لنادي الزمالك.
إسماعيل ياسين مامتش مفلس
وقالت ميرفيت إسماعيل ياسين، عن إفلاس والدها قبل وفاته : والله أنا دايماً برد على الإشاعات اللي بتقول إنه ما مفلس، لأنها بتضايقني جداً، وتابعت : يوم ما توفى كنا رايحين نادي الصيد، وكل يوم أحد كنا بنروح نادي الجزيرة، والخميس بنروح مسرح أو سينما، وعلى طول البيت كان فيه عزومات ونادس داخلة وناس خارجة، معرفش إيه حكاية مات مش لاقي ياكل.
وأضافت : كلنا كنا في مدارس لغات وياسين كان في الجامعة الأمريكية قبل ما يدرس في المعهد، وأولاد جمال عبدالناصر كانوا معانا في المدرسة.
إسماعيل ياسين جاله شلل نصفي بسبب الضرائب
وتحدث ابنة إسماعيل ياسين عن إصابته بالشلل بسبب الضرائب، وقالت : الضرايب كانت حوالي 71 ألف جنيه، واتسددت بالكامل، لأن بعد وفاة إسماعيل ياسين، ابنه ياسين عرض العمارة بتاعته للبيع، وده كان سنة 1972، ومشكلة الضرايب كانت من سنة 1964.
وتابعت : زمان كانوا مش بيشيلوا هم بكرة وبيصرفوا مش زي فنانين دلوقتي بيعملوا مشاريع جنب فنهم، ووقتها إسماعيل ياسين جالة شلل نصفي بسبب الحجز على أملاكه، لكن الشلل قعد 3 أيام، لكن حل الفرقة تعبه نفسياً.
زملكاوي متعصب
وقالت ميرفت إسماعيل ياسين، عن تشجيعه للزمالك : بابا كان زملكاوي متعصب جداً، ولما بيكون في ماتش للزمالك بنحسس إننا في حظر تجول، مفيش صوت خالص، لا نلعب ولا نزعق ولا حتى ماما تطبخ اليوم ده.
وتابعت : كان يقعد يتفرج ويشوط الكورة وكأنه جوا الماتش، وإحنا نتفرج عليه، وكان بيحب يحضر الماتشاتفي الاستاد، حتى لو إحنا في إسكندرية والماتش في القاهرة، نسافر بالطيارة ونرجع بعد الماتش على طول، وكنت بسافر معاه أنا بس، وماما كانت بتقعد في البيت تحضر الأكل.
ثروة إسماعيل ياسين في لبنان
وقالت ميرفت، عن ثروة إسماعيل ياسين التي جمعها في لبنان : بابا عمل ثروة كبيرة قوي في لبنان، وقعدنا هناك أكثر من 3 سنين، وكان بيعمل هناك حفلات مع فريد الأطرش، وأفلام مع صباح وفريد والنابلسي، وكمان عمل إعلانات هناك واتهاجم بسببها، وبعدها كل النجوم بقت تقدم إعلانات.
وتابعت : بابا عمل ثروة كبيرة في لبنان، ورجع من هناك بعربية مرسيدس، ووقتها ياسين كل خالد جمال عبدالناصر، وخالد وقتها كلم باباه علشان يطلع العربية من الجمارك، وقتها العربية خرجت عادي، وشغله في لبنان عوض الفلوس اللي خسرها بسبب حل فرقته، ووقتها الفلوس كان فيها بركة، وكان بيعمل 3 أو 4 أفلام في الشهر بـ 4 آلاف جنيه، ودي وقتها كانت تشتري فيلا.
