مدين : حماقي بقى متردد وبيفكر كتير قبل ما يختار الأغاني
حل الملحن مدين، ضيفاً على آخر خبر TV، وتحدث خلال اللقاء عن كواليس أعماله مع النجوم، والطرب الذي يصنع له أفضل الألحان، وكذلك المطرب الذي يحتاج لمجهود أكبر أثناء العمل معه.
حماقي بيفكر كتير وبقى متردد
وقال مدين : أكتر حد بياخد منه مجهود كبير قوي هو محمد حماقي، رغم إنه كان أكتر حد سهل معايا زمان، لكنه بقى يفكر كتير قبل ما يشتغل، فبقى بياخد مني مجهود كبير لما آجي أسمعه حاجة، وبحس إنه بقى متردد أكتر من الأول.
مدين يتحدث اللحن الأقرب له
وقال مدين عن الأغنية الأقرب له من أعماله : أقرب لحن ليا من ألحاني هو كلام عينيك، وكنت شايف إنه لازم ينجح أكتر، ولسه كنت بتكلم في الموضوع ده، وكنت بقول إن الناس هتاخد فترة تسمع أغنية مازال على البال، وحاسس إن الأغنية دي ماخدتش حقها خالص، ولسه ماخدتش القدر اللي تستحقه.
وتابع : أفضل أغنية عملتها لـ شيرين كلام عينيك، وبالنسبالي هي من أجمل الألحان ليا معاها، لأني وأنا بلحن الأغنية دي، كنت حاسس إني عامل لحن عالمي، ولما مانجحش، كنت حاسس إن في حاجة غلط.
أنا مش فاهمني .. من شيرين لـ أحمد سعد
كان قد كشف مدين من قبل عن كواليس انتقال أغنية أنا مش فاهمني، وقال : كلمت الشاعر أحمد عيسى وقولتله عايز أعمل حاجة زي أنا كتير، والحاجات اللي فيها المعاناة الشخصية، وأي حد يسمعها يحس إنها بتتكلم عنه، وبصراحة فاجئني بكلمات حلوة قوي، وأنا قعدت أشتغل وخلصتها.
وتابع : كلمت حمدي بدر، وقولتله معايا أغنية من أهم الأغاني اللي عملتها في حياتي، وكان في تتر مسلسل مهم كانت مرشحة تغنية شيرين عبدالوهاب، وبعدها اترشحت بوسي للتتر، وبعدها اتغير المطرب، وبعدها حمدي قالي أنا هعرضها على أحمد سعد، وهو طار بيها وكان في فرحة حسستني بنجاح التجربة قبل ما تنزل.
واحتفل الملحن محمد مدين بتصدر أحدث أعماله الغنائية أنا مش فاهمني، للمطرب أحمد سعد، تريند موقع الفيديوهات يوتيوب بعد أيام من طرحها ضمن ألبومه الحزين لموسم الصيف 2026.
أحدث أعماله
ويستعد الملحن مدين، لمشاركة تامر عاشور في ألبومه الغنائي الجديد خلال الفترة المقبلة، والذي يشهد تعاونًا فنيًا مميزًا مع عدد من مختلف الشعراء والملحنين، حيث يشارك في الألبوم بـ أغنيتين من ألحانه، تحملان الطابع الدرامي الذي اعتاد الجمهور عليه في تعاونات الثنائي الناجحة سابقًا.
ويعمل تامر عاشور حاليًا على وضع اللمسات النهائية على أغنيات الألبوم، تمهيدًا لطرحه للجمهور قريباً.
