وائل عبدالعزيز : مش لازم أشتغل مع ياسمين عبدالعزيز
كشف وائل عبدالعزيز، خلال لقائه مع آخر خبر TV، عن مشاركته في مسلسل وننسى اللي كان، مع ياسمين عبدالعزيز، وما إذا كان سيشارك معها كل عام في أعمالها الدرامية.
مش لازم أشتغل مع ياسمين
وقال وائل عبدالعزيز في حوار خاص : مش لازم أشتغل معاها كل سنة، وأنا ليا نجاحات كتير في الدراما، وأنا مش مفروض عليها ولا هي مفروضة عليا، وإن شاء الله الموضوع يمشي أحسن من كده، وتابع : أنا يشرفني الشغل مع ياسمين كل سنة، لني تحت أمر الشغل في كل حتة.
وأضاف، عن كواليس مشاركته في ننسى اللي كان : كلمنى عمرو محمود ياسين، وقالي في دور أنا شايفك فيه، إيه رأيك أبعتلك السيناريو، وكنت مبسوط إن الدور قدام فنانة كبيرة زي شيرين رضا، والفنانة السورية يارا، وقدمت الدور على أكمل وجه، وكنت مبسوط برأي الجمهور في المسلسل.
وائل عبدالعزيز يتحدث عن ياسمين عبدالعزيز وأعماله الجديدة
وتحدث وائل عبدالعزيز من قبل عن اعماله الجديدة وياسمين عبدالعزيز، وقال : إن شاء الله النجاح اللي جاي هيبقى أكبر من اللي فات، لسه في ناس شايفة إن أنا أخو ياسمين بس، لا يا جماعة أنا وائل، ليا نجاحات، وأنا ممثل، وإن شاء الله أكسر الدنيا السنة دي مسلسلات وأفلام، بقالهم فترة بيقولوا أخو ياسمين، لا يا جماعة أنا وائل، لا يا جماعة أنا ليا نجاحات، لا يا جماعة أنا ممثل، أنا ما بدّعيش، أنا مش مدّعي على فكرة.
وعن صلحه مع شقيقته ياسمين، تابع : ماحدش بيدخل بينا على فكرة، إحنا بنتخانق ونتصالح، نزعل ونتبسط، كده يعني، إحنا دايمًا العتاب على قد المحبة، والحمد لله من هنا ورايح مافيش مشاكل وإحنا على خط واحد.
مسلسل وننسى اللي كان
وعرض لـ وائل عبدالعزيز في موسم دراما رمضان 2026، مسلسل وننسى اللي كان، من تأليف عمرو محمود ياسين وإخراج محمد الخبيري، وبطولة ياسمين عبدالعزيز، كريم فهمي، شيرين رضا، إيهاب فهمي، منة فضالي، محمود ياسين جونيور، خالد سرحان، محمد لطفي، محمود حافظ، منة عرفة، ليلى عز العرب، محمود عزب، عمر شرقي، أسما سليمان وآخرين، و الذي عرض عبر قناة MBC مصر في موسم رمضان 2026.
تفاصيل مسلسل وننسى اللي كان
تدور أحداث مسلسل وننسى اللي كان حول جليلة رسلان الممثلة التي تجد نفسها محاصرة في شباك تهديد غامض يحول حياتها لساحة مطاردة، وهنا يتقاطع طريقها مع بدر، الحارس الشخصي لها، ومع تصاعد وتيرة الخطر، تذوب الحدود بين الواجب والمشاعر، ليتحول بدر من درع واق لشريك في معركة عشق لا تخضع لقواعد الفنون القتالية، حيث يصبح الحفاظ على الحب أصعب من الحفاظ على الحياة.
