وائل عبدالعزيز : مفيش مشاكل بيني وبين ياسمين عبدالعزيز
كشف وائل عبدالعزيز، خلال لقائه مع آخر خبر TV، عن السبب وراء إصلاح العلاقة بينه وبين شقيقته ياسمين عبدالعزيز، مؤكدًا أن الأمر تم بينهما دون تدخل من أي شخص.
من السبب في إصلاح العلاقة
وقال وائل : ماحدش بيدخل بينا على فكرة، إحنا بنتخانق ونتصالح، نزعل ونتبسط، كده يعني، إحنا دايمًا العتاب على قد المحبة، والحمد لله من هنا ورايح مافيش مشاكل وإحنا على خط واحد.
وأضاف : إن شاء الله النجاح اللي جاي هيبقى أكبر من اللي فات، لسه في ناس شايفة إن أنا أخو ياسمين بس، لا يا جماعة أنا وائل، ليا نجاحات، وأنا ممثل، وإن شاء الله أكسر الدنيا السنة دي مسلسلات وأفلام، بقالهم فترة بيقولوا أخو ياسمين، لا يا جماعة أنا وائل، لا يا جماعة أنا ليا نجاحات، لا يا جماعة أنا ممثل، أنا ما بدّعيش، أنا مش مدّعي على فكرة.
وتابع : الحمد لله جمهور بيبصم كل مرة، وما عنديش دور حتى الآن عملته وفشل، وكان نصيبي إني وقعت في مسلسلات وأدوار وورق كان من أحلى الحاجات اللي موجودة في السوق، من أول بره الدنيا لحد ابن حلال، وكلبش، وفوق السحاب، وحكايات بنات،فأتمنى إن الناس تبصلي نظرة تانية غير ده، وإن شاء الله ده هثبته، والحاجات اللي جاية الفترة اللي جاية هيكون فيها تركيز فيا بشكل كبير.
مسلسل وننسى اللي كان
وعرض لـ وائل عبدالعزيز في موسم دراما رمضان 2026، مسلسل وننسى اللي كان، من تأليف عمرو محمود ياسين وإخراج محمد الخبيري، وبطولة ياسمين عبدالعزيز، كريم فهمي، شيرين رضا، إيهاب فهمي، منة فضالي، محمود ياسين جونيور، خالد سرحان، محمد لطفي، محمود حافظ، منة عرفة، ليلى عز العرب، محمود عزب، عمر شرقي، أسما سليمان وآخرين، و الذي عرض عبر قناة MBC مصر في موسم رمضان2026.
تفاصيل مسلسل وننسى اللي كان
تدور أحداث مسلسل وننسى اللي كان حول جليلة رسلان الممثلة التي تجد نفسها محاصرة في شباك تهديد غامض يحول حياتها لساحة مطاردة، وهنا يتقاطع طريقها مع بدر، الحارس الشخصي لها، ومع تصاعد وتيرة الخطر، تذوب الحدود بين الواجب والمشاعر، ليتحول بدر من درع واق لشريك في معركة عشق لا تخضع لقواعد الفنون القتالية، حيث يصبح الحفاظ على الحب أصعب من الحفاظ على الحياة.
