محمد رجب يحضر لفيلم كوكتيل ويستعد لترشيح الأبطال
نافس محمد رجب هذا العام بمسلسل قطر صغنطوط، والذي بدأ عرضه في النصف الثاني من شهر رمضان 2026، وحقق نجاحاً ملحوظاً، وعلم آخر خبر أن محمد رجب بدأ مؤخراً التحضير لفيلم كوكتيل ويقوم حالياً بترشيح الأبطال المشاركين في العمل.
تفاصيل مسلسل قطر صغنطوط
ويشهد مسلسل قطر صغنطوط عودة محمد رجب إلى أدوار الشر التي كانت نقطة انطلاقه في السينما، أبرزها مذكرات مراهقة مع هند صبري وأحمد عز، وإزاي البنات تحبك مع هاني سلامة ونور، الباشا تلميذ مع كريم عبدالعزيز وغادة عادل، وملاكي إسكندرية مع أحمد عز وغادة عادل، قبل أن يتصدر البطولات في السينما والدراما ويبتعد عن أدوار الشر.
أبطال مسلسل قطر صغنطوط
مسلسل قطر صغنطوط ينتمي لنوعية أعمال الـ 15 حلقة، ومن بطولة محمد رحب، رنا رئيس، كريم عفيفي، دانا حلبي، جيهان خليل، أحمد بدير، حمادة بركات، أحمد صيام، عايدة فهمي، جيهان قمري، غفران وعمرو رجب، وعدد آخر من الفنانين، والعمل من تأليف محمد سمير مبروك وإخراج هاني حمدي وإنتاج ممدوح شاهين.
تفاصيل فيلم كوكتيل
وتحدث محمد رجب مؤخراً حديثه مع آخر خبر TV، وكشف عن أحدث أعماله السينمائية فيلم كوكتيل، وسبب غيابه 10 سنوات عن جمهور السينما، كما تحدث عن تفاصيل الفيلم والرسالة التي يقدمها.
وقال محمد رجب : عندي فيلم اسمه كوكتيل، فيلم مهم جداً وتعبت عليه كتير قوي، وبقالي أكتر من سنتين شغال عليه، وبإذن الله يطلع للنور، وهبدأ أشتغله بعد العيد.
وتابع : كوكتيل هو فيلم نفسي، والرسالة بتاعته بتتكلم عن الرضا إنك لما ترضى وتعرف أنت مين وواقف فين، بتعرف تاخد خطوة لقدام، والفيلم ده شبهي فعلاً، ولسه بنختار الكاست، وهو إنتاج الأستاذ أحمد السبكي.
سبب غيابه عن السينما
وعن سبب غيابه عن السينما، قال : زي ما كنت غايب عن الدراما، أنا غبت عنها لمدة 10 سنين، وكنت بخاف منها جداً وبحس إنها صعبة أوي خصوصاً إن الصناعة بتقوم على إنك ممكن تدخل تصوّر بـ 5 حلقات بس، وأنا ماكنتش شايف إني أقدر أمسك الشخصية في 5 حلقات وتجيلي حلقات تانية وأنا بصوّر.
واختتم : فضلت 10 سنين فاكر إن عندي وجهة نظر، وإنه لازم مش هشتغل غير لما الحلقات تبقى مكتوبة كلها، اكتشفت بعد 10 سنين إن أنا اللي خسران، الحلقات مابتتكتبش ولا بتجهز قبلها، وده قانون الشغلانة للأسف.
