تارا عماد : نسيت قصة فيلم الجواهرجي لأننا صورناه من 4 سنين
حلت تارا عماد ضيفة على آخر خبر TV، وكشفت خلال اللقاء عن تفاصيل مشاركتها في فيلم الجواهرجي، الذي يقوم ببطولته محمد هنيدي.
وقالت تارا : صورت فيلم الجواهرجي من أربع سنين وخلصناه من قريب، فآنا بجد مش فاكرة، فأنا هتفاجئ معاكوا، لأن أنا في آخر يوم تصوير ده قلتلهم لأ أنا بقى محتاجة أقرأ من الأول، فقعدت بقى يعني أحاول أفتكر القصة من الأول عشان غصب عني برضه أربع سنين.
وأضافت : حسيت إن لأ أنا مش فاكرة بالظبط تفاصيل الشخصية ومش فاكرة كل حاجة هي كانت بتحبها، فأنا قبل التصوير فاكرة كده دخلت في النوتة وقرأت الحاجات اللي كانت عن الشخصية دي اللي أنا كنت كاتباها، كل شخصية بيبقى ليها حاجات معينة يعني بكتبها وأنا بذاكر لها، فافتكرت حاجات لذيذة، بس من الحاجات اللي أنا فاكراها عنها إن هي من الناس اللي هي بتبقى خفيفة على القلب.
وتابعت : شخصيتي لذيذة ومرحة جدًا، وهي اللي بتدخل البهجة في أي مكان بتدخله، فدي حاجات ممكن يعني أشرحها عنها بس، وهنشوف بقى الفيلم كلنا سوا إن شاء الله قريب.
تفاصيل فيلم الجواهرجي
وتدور أحداث العمل في إطار كوميدي، حيث يتناول أزمات الحياة الزوجية، من خلال شخصيتي محمد هنيدي ومنى زكي، اللذان يظهران كزوجين، بينما يجسد باسم سمرة دور جواهرجي ضمن أحداث الفيلم.
الجواهرجي من بطولة محمد هنيدي، منى زكي، لبلبة، أحمد السعدني، الراحل أحمد حلاوة، تارا عماد، عارفة عبدالرسول، باسم سمرة ومن تأليف عمر طاهر وإخراج إسلام خيري.
طه الغريب
وتحدثت من قبل تارا في تصريح خاص لـ آخر خبر عن كواليس مشاركتها في طه الغريب وأسباب تحمسها للدور،وقالت تارا : في حاجات كتيرة قوي شدتني للشخصية، أولاً أنا بحب جدًا فكرة إن يبقى في رواية وتتعمل فيلم، وأنا من الناس اللي لو في فيلم نازل ومبني على كتاب، لازم أقراه قبل ما أشوف الفيلم، وده اللي حصل فعلًا لما قريت رواية محمد صادق، فده كان من الحاجات اللي شدتني جدًا وخلاني أحب أكون جزء من العمل.
أبطال فيلم طه الغريب
فيلم طه الغريب بطولة حسن الرداد، تارا عماد، خالد الصاوي، نهى عابدين، مها نصار، تامر هاشم، محمد علي رزق، ومن تأليف محمد صادق وإخراج عثمان أبو لبن وإنتاج أحمد السبكي، وتدور أحداث الفيلم حول قصة حب قوية تتجاوز الزمن، ويعيش طه الشاب الذي يضحي بكل شيء من أجل ذكرى من يحب، وسط صراع درامي مع فتاة تتحدّاه لتعيد قلبه للخفقان من جديد.
