تارا عماد تكشف تفاصيل دورها في فيلم طه الغريب
حلت تارا عماد ضيفة على آخر خبر TVمن داخل لوكيشن تصوير فيلم طه الغريب، وكشفت عن كواليس مشاركتها في العمل وأسباب تحمسها للدور.
وقالت تارا : في حاجات كتيرة قوي شدتني للشخصية، أولاً أنا بحب جدًا فكرة إن يبقى في رواية وتتعمل فيلم، وأنا من الناس اللي لو في فيلم نازل ومبني على كتاب، لازم أقراه قبل ما أشوف الفيلم، وده اللي حصل فعلًا لما قريت رواية محمد صادق، فده كان من الحاجات اللي شدتني جدًا وخلاني أحب أكون جزء من العمل.
شاهد بالفيديو ..
شخصية مريم
وأضافت : كمان الشخصية نفسها شدّتني، شخصية مريم مختلفة عن الحاجات اللي قدمتها قبل كده، هي بنت طموحة، واللي في قلبها على لسانها، شغوفة جدًا وعندها عزة نفس، وفيها تفاصيل جميلة كنت حابة أقدمها.
وعن كواليس العمل مع حسن الرداد، قالت : بصراحة هو خطير، ومعرفتي بيه بدأت في الفيلم ده، وبجد إحنا بنضحك من قلبنا تلات تربع الوقت، والنهاردة كنت بقولهم إني نفسي نكمل كام يوم كمان تصوير، لأن الجو بقى عائلي جدًا، وكل الناس مبسوطة وحابة الشغل،أنا بجد حبيت شغلي معاه جدًا، وأتمنى إننا نشتغل مع بعض تاني.
أبطال فيلم طه الغريب
فيلم طه الغريب بطولة حسن الرداد، تارا عماد، خالد الصاوي، نهى عابدين، مها نصار، تامر هاشم، محمد علي رزق، ومن تأليف محمد صادق وإخراج عثمان أبو لبن وإنتاج أحمد السبكي، وتدور أحداث الفيلم حول قصة حب قوية تتجاوز الزمن، ويعيش طه الشاب الذي يضحي بكل شيء من أجل ذكرى من يحب، وسط صراع درامي مع فتاة تتحدّاه لتعيد قلبه للخفقان من جديد.
قصة الفيلم
يظهر حسن الرداد خلال أحداث فيلم طه الغريب، بشخصية موظف في الشهر العقاري، يحاول الخروج من صدمته النفسية التي يعيش فيها خلال أحداث الفيلم، فيما تلعب تارا عماد بشخصية Grief coach تساعد حسن الرداد في الخروج من أزمته.
تارا عماد في مسلسل إفراج رمضان 2026
تارا عماد تواجدت فى دراما رمضان الماضي من خلال مسلسل إفراج، حيث شاركت في بطولته إلى جانب عمرو سعد، حاتم صلاح، بسنت شوقي، أحمد عبد الحميد، عبدالعزيز مخيون، سما إبراهيم، عمر السعيد، علاء مرسي، سارة بركة، شريف الدسوقي، صفوة، جهاد حسام الدين، دنيا ماهر، دونا ماهر، جيهان خيرى، رضا ادريس، حسن العدل وضيفة الشرف ناهد السباعي والعمل من تأليف ورشة ملوك وإخراج أحمد خالد موسى، وإنتاج صادق الصباح
