سحر رامي تكشف عن صفات لايعرفها أحد عن آسر ياسين ودينا الشربيني
حلت سحر رامي ضيفة على آخر خبر TV، وكشفت عن 3 أشياء اكتشفتها خلال تعاونها لأول مرة في مسلسل اتنين غيرنا مع آسر ياسين ودينا الشربيني.
آسر ياسين
وقالت سحر: أنا فوجئت بدينا الشربيني وآسر ياسين، وأنا أعرف آسر من النادي، كنت بقابله كتير ونسلم على بعض ونتقابل في المهرجانات، بس أول مرة اشتغل معاه، وهو رجل طبيعي ومحترم ولديه عنده إحساس عالي وناجح من سنين طويلة مش أول نجاح ليه، وشخصية مريحة جدًا.
دينا الشربيني
وتابعت : دينا الشربيني عندها احساس عالي، ومش هتكلم عن نجاحاتها هي نجمة، وهي في الحقيقة بسيطة جدًا، ودي أول مرة اشتغل معاها، و في الأول مكنتش أعرف طبيعتهم إيه؟، لقيتهم طبيعيين جدًا زيي، ومش بيتأخروا عن المواعيد، وبيشتغلوا بطبيعية، ومفيش ميكب كتير ومفيش قلق ومفيش مراية طول الوقت، ده بالنسبة لدينا مفيهاش القلق اللي ييوترك في الشغل، سايبه نفسها على طبيعتها، وده عمل حالة ألفة وصحبة رهيبة، أنا بحبهم أوي.
تفاصيل مسلسل اتنين غيرنا
مسلسل اتنين غيرنا يعتمد على الدراما الاجتماعية الرومانسية الخفيفة، ويظهر آسر ياسين خلال الأحداث بشخصية مدرس ثانوي في مدرسة دولية، فيما تلعب دينا الشربيني شخصية ممثلة مشهورة، ويتقابل الثنائي ويحدث تقارب بينهما ويدخلان في قصة حب مليئة بالتحديات اللاتي سيتواجههما فهل يتغلبا عليها؟
أبطال مسلسل اتنين غيرنا
وشارك في بطولة مسلسل اتنين غيرنا بجانب آسر ياسين ودينا الشربيني كل من : نور إيهاب، هنادي مهنا، صفوة، سحر رامي، ناردين فرج، فدوي عابد، صابرين النجيلي، محسن منصور، أيمن عزب، أمير عبدالواحد، أحمد حسن، محمد السويسي، صدقي صخر، وآخرين.
آسر ياسين في رمضان الماضي
يذكر أن آسر ياسين قدم في موسم دراما رمضان 2025، مسلسل قلبي ومفتاحه وشارك في بطولته كل من : مى عز الدين، دياب، أشرف عبد الباقي، أحمد خالد صالح، سما إبراهيم، محمود عزب، سارة عبد الرحمن، أسامة أبو العطا، حازم سمير، عايدة رياض، تقى حسام، وعدد آخر من الفنانين، ومن تأليف وإخراج تامر محسن، وإنتاج شركة media hub سعدي- جوهر.
