إزاي تقلبي الـ out fit؟ .. نصائح لميس خليل لـ لوك بقطعة واحدة
تشعر الكثير من الفتيات بضيق شديد، بسبب الظهور المستمر لتريندات اللبس والإكسسوارات علي مدار كل موسم، ما يدفعها لانفاق مبالغ كبيرة علي مظهرها بسبب زيادة الأسعار المستمرة، لكن خبراء الموضة أكدوا أن الشراء المستمر لتريندات الملابس ليس صحيح، وهناك أفكار أكثر ذكاء للظهور بـ لوك شيك ومختلف كل يوم.
رتبى دولابك بذكاء
وتحدثت الاستايلست لميس خليل عن الطرق السليمة لمواجهة غلاء الأسعار، وكيفية تنظيم دولاب الملابس بشكل أكثر ذكاء، وقالت فى حديث خاص لـ آخر خبر TV : لو دولابنا فيه الأساسيات، ممكن تلبسي basic outfit وتحطى شنطة، ده ممكن يقلب اللوك تماماً ويخليه فى حته تانية خالص.
شاهد بالفيديو ..
موضة الـ animal prints
وتابعت : ممكن كمان بنفس الطقم تلبسي جزمة، يعني لو خارجة الصبح هتلبسي سنيكرز معينه زى animal prints، سواء zebra أو leopard animal prints، كل الحاجات دي مكمله معانا فى موضة 2026، تلبسيهم فى جزمة أو شنطة أو إكسسوارات، حتي لو جاكيت، هتخلي الاوت فيت بتاعك مختلف تماما.
قطعة واحدة بس
وأضافت : فى قطع مهمه كمان زي الكارديجان والجاكيت، مع بنطلون جينز أو قماش وتوب أبيض، أو أي لون عادى، عشان كدا بأكد أن بقطعة واحدة بس تقدرى تبقى شيك وعلى الموضة ومن غير تكلفة كبيرة عشان تشترى طقم كامل فى ظل غلاء الأسعار الفترة دى.
تأثير الإكسسوارات على اللوك
أضافت: الإكسسوارات كمان عليهم عامل كبير أوى فى شكلك، إنتي ممكن بقطعة تخلي اللوك بتاعك مناسب للصبح، وبقطعة تانية يكون مناسب لسهرة حلوة بليل، كمان تسريحه الشعر بتفرق فى الشكل، ودول بقوا كتير أوى بنشوف أفكار وتريندات علي السوشيال ميديا.
موضة التوب الدانتيل
وتحدثت الاستايلست لميس خليل، من قبل لـ آخر خبر، عن موضة GenZ فى صيف 2026، وقالت : أكتر حاجة طالعة موضة قوى، وبشوفها علي بنات فى سن المراهقة، وعجبانى بصراحة جداً، هى التوب الدانتيل الليكرا بكم، دا بيبقى لذيذ قوى للبنات، يا GenZ، يا teenage، على البنطلونات الـ straight أو الـ Denim wide leg، ولو الجو برد شوية ممكن تحطي شال أو تلبسي جاكيت أوفر سايز.
