باسم سمرة ضيف الحلقة المقبلة من صاحبة السعادة
يحل باسم سمرة ضيفًا على الحلقة المقبلة من برنامج صاحبة السعادة، التي تقدمه الإعلامية إسعاد يونس ويذاع على قناة DMC، وذلك بعد حالة النجاح الكبيرة الذي حققها مؤخراً بمسلسل عين سحرية.
تفاصيل مسلسل عين سحرية
وعرض لـ باسم سمرة مسلسل عين سحرية، في النصف الأول من رمضان، ويشارك في بطولته بجانب عصام عمر كل من باسم سمرة، محمد علاء جاميكا، فاتن سعيد، سما إبراهيم، جنا الأشقر، عمر الشريف، أحمد بيلا، رضا إدريس وآخرين، والعمل من تأليف هشام هلال وإخراج السدير مسعود، ويظهر عصام خلال أحداث العمل بشخصية فني يعمل في تركيب كاميرات المراقبة ويتورط في مشكلة كبيرة تقوده إلى الدخول في صراعات كبيرة.
باسم سمرة أفضل ممثل دور ثان
وكان باسم سمرة قد حصل مؤخرًا على جائزة أفضل ممثل دور ثان في استفتاء آخر خبر عن دوره في مسلسل عين سحرية.
حديث باسم سمره مع عمرو الليثي
حل باسم سمرة مؤخراً ضيفًا على الإعلامي عمرو الليثي في برنامج واحد من الناس المذاع على قناة الحياة، وتحدث خلال اللقاء عن تجربته في العمل مع عصام عمر، وعن الأعلى أجرًا في الوسط الفني.
مفيش حاجة اسمها الأعلي أجرًا
وقال باسم : مفيش حاجة اسمها أنا الأفضل أو أنا الأعلى أجرًا، لو عندك موهبة ورينا شغلك، والشغل الحلو بيعبر عن نفسه.
تعاونه مع عصام عمر
وأضاف عن تجربته مع عصام عمر : حبيت الشغل مع عصام عمر، هو جميل وبيحب الفن، وعملنا اجتماع أنا وهو بس، وقلت له أي حاجة مش هتعجبني فيك أو أي معلومة هقولهالك تدرسها، قالي وأنا هعمل كده، قولت له ياريت، وفعلاً اشتغلنا كده.
تصوير الفيديو
وتابع : واحنا قدام الكاميرا ممكن يقولي ما تقولش كذا وأنا كمان بعمل كده، وهو مجنون زيادة عني، وطول الوقت مهتم بتصوير الفيديوهات، مرة دخل عليا الكرفان المفروض نعمل بروفه على مشهد وبدأ يصور، وقال في الفيديو أنا اكتشفت واحد جديد من قصور الثقافة، والراجل ده إن شاء الله هيكون له مستقبل.
