باسم سمرة : بفكر في اعتزال التمثيل ومش بحب الناس المنافقة
حل باسم سمرة ضيفًا علي الإعلامي عمرو الليثي في برنامج واحد من الناس، المذاع علي قناة الحياة، وتحدث خلال اللقاء عن قرار اعتزال التمثيل.
بفكر في اعتزال التمثيل
قال باسم : بفكر في اعتزال التمثيل، وياسلام لما تكون مخلص حاجة حلوة وتوقف، الناس مبقتش سالكة زي الأول، والشغلانة بقيت قاسية، والناس بقت منافقة وبتغير، وأنا مش بحب الناس المنافقة اللي بوشين، واللي مش بيحبني، اللي مش موهوب.
باسم سمرة في حبر سري
ومن ناحية أخري، حل باسم سمرة مؤخراً ضيفًا على برنامج حبر سري المذاع عبر قناة القاهرة والناس، والذي تقدمه أسما إبراهيم، وكشف خلال اللقاء عن رأيه في أفضل نجم شعبي، إلى جانب حديثه عن تأثير السوشيال ميديا على الجيل الجديد.
محمد إمام أفضل نجم شعبي
وقال : محمد إمام هو أفضل نجم شعبي، والسوشيال ميديا أثرت على الجيل الجديد، لأن دلوقتي كل الناس بقت عايشة عليها وعلى الموبايل، وبيكتفوا بقراءة مقتطفات ومبقوش بيقروا العمق ولا المعنى.
وأضاف : علشان كده، قراءة روايات زي الحلو والوحش والحاجات اللي بتبني بلد وتهد بلد محتاجة تركيز ووعي، وبنصح الجيل الجديد في الفن إنهم ميعتمدوش على السوشيال ميديا أو الموبايل بس، لأن حب الناس محدش يقدر يشتريه، ولو أنت غني مينفعش تدفع نص فلوسك علشان الناس تحبك، وكمان لما تعمل خير، اعمله بينك وبين ربنا.
باسم سمرة يتحدث عن إبراهيم الأبيض
وكان قد كشف باسم سمرة من قبل عن كواليس فيلم إبراهيم الأبيض، خلال حديثه مع برنامج مسرح الحياة، الذي يقدمه الإعلامي علي العلياني، على شاشة تلفزيون الراي ومنصة ROD، وقال : اتحذف لي مشاهد خطيرة في فيلم إبراهيم الأبيض، وكل ما أحمد السقا ومروان حامد ييجوا يقولولي صباح الخير أقولهم حذفوا مشاهدي، أحمد رزق كان موجود في الفيلم لكن ماطلعش له ولا لقطة.
مسلسل عين سحرية
وعرض لـ باسم سمرة مسلسل عين سحرية في النصف الأول من رمضان،من بطولة عصام عمر، فاتن سعيد، سما إبراهيم، جنا الأشقر، محمد علاء جامايكا، عمر الشريف، وآخرين، العمل من تأليف هشام هلال وإخراج السدير مسعود.
