باسم سمرة : مفيش حاجة اسمها أنا الأعلي أجراً وحبيت الشغل مع عصام عمر
حل باسم سمرة ضيفًا على الإعلامي عمرو الليثي في برنامج واحد من الناس المذاع على قناة الحياة، وتحدث خلال اللقاء عن تجربته في العمل مع عصام عمر، وعن الأعلى أجرًا في الوسط الفني.
مفيش حاجة اسمها الأعلي أجرًا
وقال باسم : مفيش حاجة اسمها أنا الأفضل أو أنا الأعلى أجرًا، لو عندك موهبة ورينا شغلك، والشغل الحلو بيعبر عن نفسه.
الشغل مع عصام عمر
وأضاف عن تجربته مع عصام عمر: حبيت الشغل مع عصام عمر، هو جميل وبيحب الفن، وعملنا اجتماع أنا وهو بس، وقلت له أي حاجة مش هتعجبني فيك أو أي معلومة هقولهالك تدرسها، قالي وأنا هعمل كده، قولت له ياريت، وفعلاً اشتغلنا كده.
تصوير الفيديو
وتابع : واحنا قدام الكاميرا ممكن يقولي ما تقولش كذا وأنا كمان بعمل كده، و هو مجنون زيادة عني، وطول الوقت مهتم بتصوير الفيديوهات، مرة دخل عليا الكرفان المفروض نعمل بروفه على مشهد وبدأ يصور، وقال في الفيديو أنا اكتشفت واحد جديد من قصور الثقافة، والراجل ده إن شاء الله هيكون له مستقبل.
واختتم حديثه : طلع قصدني أنا، دخلت معاه وكملت الفيديو، والفيديو كسر الدنيا، وعرفت منه إن الفيديو عمل ملايين، هو دماغه شغالة في الحتة دي.
تفاصيل عين سحرية
ويشارك في مسلسل عين سحرية، بجانب عصام عمر كل من باسم سمرة، فاتن سعيد، سما إبراهيم، جنا الأشقر، وآخرين، والعمل من تأليف هشام هلال وإخراج السدير مسعود، ويظهر عصام خلال أحداث العمل بشخصية فني يعمل في تركيب كاميرات المراقبة ويتورط في مشكلة كبيرة تقوده إلى الدخول في صراعات كبيرة.
آخر أعمال باسم سمرة
وكان آخر أعمال باسم سمرة في رمضان الماضي، مسلسل العتاولة 2 بطولة أحمد السقا وطارق لطفي، والذي حقق نجاحًا ملحوظًا أثناء عرضه خلال شهر رمضان الماضي، وشارك فيه بجانب السقا وطارق كل من زينة، فيفي عبده، باسم سمرة، نسرين أمين، مصطفى أبو سريع، منة بدر تيسير، هدى الإتربي، ميمي جمال، ثراء جبيل، مريم محمود الجندي، أحمد كشك، مي القاضي، عمرو عبدالعزيز، عمرو عثمان، زينب العبد، أحمد عبدالإله، أحمد بله، لبنى ونس، رامي الطمباري، أمير صلاح الدين، محمد عادل، ومحمد محسن، وغيرهم، تأليف مصطفى جمال هاشم وإخراج أحمد خالد موسى، وإنتاج شركة Cedars Art Production.
