ما هو إتيكيت التعامل فى العيد؟ .. نادين جاد تُجيب

من أشهر العادات المرتبطة بعيد الفطر المبارك، تبادل المعايدة بين الأهل والأصدقاء سواء بالزيارة أو تليفونيا، وتقديم العيدية، لكن كثير من الأشخاص يقعوا فى حيرة المبلغ المفترض تقديمه كعيدية، ويفضل بعض الأشخاص الاكتفاء بتقديم حلويات أو هدايا للأطفال، لذلك لجأنا لفن الاتيكيت لنتعرف على قواعد تقديم العيدية.

ريهام الهوارى: أقوى ست هى أكتر واحدة متصالحة مع أنوثتها

نستنى ماما ولا نفطر؟ .. نادين جاد خبيرة الإتيكيت توضح

اتيكيت عيد الفطر

وتحدثت نادين جاد خبيرة الإتيكيت عن طرق تقديم العيدية فى عيد الفطر، وقالت فى حوار خاص لـ آخر خبر TV : كل سنة وأنتم طيبين وعيد سعيد عليكم، إحنا بنبدأ نعيد على الناس فى آخر رمضان، ويوم الوقفة بنجهز البيت وبنتصل بكل حبايبنا وبنقولهم كل سنة وأنتم طيبين لغاية ما ييجي يوم العيد.

شاهد بالفيديو ..

صلة الرحم فى العيد

وتابعت : لو فى مجال إننا نزور كبار العيلة بنعمل دا طبعا علشان صلة الرحم، وندى العيدية وناخد الحاجة الحلوة معانا، ونتصور صور تذكارية تفضل ذكرى مميزة لينا ولاولادنا، لأن العيد فرحة وإحنا لازم ناخد الفرصة عشان نعيد على كل حبايبنا وقرايبنا

إتيكيت عيدية العيد

وأضافت : أما بالنسبة لتقديم العيدية، أهم حاجة إنها تكون مناسبة لامكانياتى ومش مبالغ فيها علشان مترهقنيش ماديا، يعني حتى لو حاجة رمزية بسيطة مافيش مشكلة بس أهم حاجة تكون الفلوس جديدة، لو قدرنا نحطها فى ظرف عليه كلمتين حلوين هيبقي لطيف جدا، مقدرناش بندى للأولاد بس أهم حاجة منفرقش مابينهم عشان محدش يزعل من حد.
وبالنسبة للصغير بيعيد علي الكبير، كل سنة وحضرتك طيب، وبنعيد على كل الناس مسلم، مسيحي، جيران فى الشارع والابتسامه على وشنا وندخل الفرحة على قلوب كل اللي بنشوفهم، بما إن العيد فرحة.

سارة فودة خبيرة الفلك والتاروت: عمرو سعد الأعلى مشاهدة فى رمضان ٢٠٢٦.. وأحمد سعد عنده رغبة فى العزلة

قواعد إتيكيت الأكل فى العزومات .. نادين جاد تٌجيب

العيدية ذوق مش قيد

وتابعت : العيدية ذوق مش قيد، وفى ناس بيستبدلوا العيدية بدل ما يدوا فلوس ورقية جديدة، بيجيبوا لعب أو حاجة حلوة، هي الفكرة من العيدية إدخال الفرحة على الأطفال، وأهم حاجة منجهدش نفسنا علشان نظهر بشكل لائق، فى حد بيدي عيدية بمبلغ كبير، فأنا حسب إمكانياتى المادية، قدرت أدى مبلغ رمزى تمام، قدرت أجيب هدية أو حاجة حلوة تمام برضو.