بسنت بدران تكشف سبب حبها لمجال تصميم الأزياء
ارتبط عالم تصميم الأزياء على مدار السنوات الماضية بأسماء كبيرة من مصممي الأزياء المصريين، وحاول كل منهم أن يتميز بروحه الخاصة ويبذلون كل الجهد حتى يتمكنوا من البقاء على القمة، وعلى مدار الـ 10 سنوات الماضية ظهرت مصممة الأزياء المصرية بسنت بدران، ومع كل كولكشن جديد تطرحه ظهر جهدها ومدى حبها وعشقها لهذا المجال.
حكاية بسنت بدران مع عالم تصميم الأزياء
وكشفت مصممة الأزياء بسنت بدران، عن سبب حبها لمجال تصميم الأزياء، وقالت فى حوار خاص لـ آخر خبر TV : أنا لقيت نفسي فى تصميم الأزياء والفساتين، لأن وأنا بعمل الديزاين للفستان مش بس بتخيل تصميم، أنا بتخيل معاه كمان عالم تانى، هيتلبس فين وشكل البنت اللي لابساه، مش شرط التخيل دا يكون حقيقي، بس دايماً بكون فى عالم تاني فيه تخيل بهرب منه من الحقيقة لشئ أحلى بكتير.
وأضافت : علشان كدا فكرة تصميم فستان بالعالم بتاعه وبكل العناصر الخاصة بيه، بيخليني أخرج من الواقع لحاجة مش حقيقية ودا بيديني فرحة وحرية وأنا قادرة أكبر عن نفسي.
شاهد بالفيديو ..
كولكشن بسنت بدران فى أسبوع الموضة
وتابعت : الحقيقية إنى كنت جاهزة للخطوة دى وقدرت مع الفريق بتاعى نحضر كولكشن مكون من 20 فستان فى حوالي 7 شهور، وكان فى عناصر كتير عايزة أحققها فى الكولكشن دا وأوصلها لكل الحاضرين من الحركة بتاعت الفساتين أثناء العرض، وأنا أكتر قماشة بشتغل فيها هى الأورجانزا بس المرة دي كنت عايزة أجرب وألعب بالقماشة دي بس فى نفس الوقت أحافظ على هويتي كمصممة أزياء.
تفاصيل أول فاشون شو فى أسبوع الموضة بباريس
وأضافت بسنت : كان فى تجارب كتير بالقماش الأورجانزا سواء القيل والخريف أو السادة والمطرز، وقدرت أركز على كل تفاصيل حركة الفساتين أثناء الشو، كمان صممنا تطريزات مخصصة لبعض للفساتين، وكنت سعيدة جداً إنى قدرت أطلع كل حاجة زي ما كنت عايزة وفى الخطة، سواء التصميمات أو الحركة أو تفاصيل الفساتين كل دا قدرت من خلاله القماش على الـ run way أوصل فكرتي من غير ما احكى أى حاجة.
