بسنت بدران : المشاركة فى أسبوع الموضة بـ باريس كان حلم
استطاعت مصممة الأزياء بسنت بدران، أن تفرض إسمها كمصممة مصرية داخل أسبوع الموضة فى باريس، وذلك بعدما قررت أن تعرض تصميماتها فى باريس حتى تمكنت العام الماضي من المشاركة بأول فاشون شو خاص بها، ولأن حلم بسنت لم يكن التميز كمصممة أزياء أثبتت موهبتها بين أسماء كبيرة فى نفس المجال، إلا أن حلمها مكنها من خوض تجربة عالمية.
حلم أسبوع الموضة فى باريس
وكشفت مصممة الأزياء بسنت بدران، عن تفاصيل مشاركتها فى أسبوع الموضة بباريس، وقالت فى حوار خاص لـ آخر خبر TV : من أول ما قررت إنى هعرض تصميماتي فى أسبوع الموضة بـ باريس، وأنا كنت عايزة أبنى استمرارية إنى أشارك بتصميماتى كذا سنة، فى حدث كبير زي أسبوع الموضة فى باريس، وفى السنة التالتة طلبوا منى إنى ممكن أعرض الكولكشن بتاعى على الـ runway، ودا طبعا كان حلم عندى إنى أعرض شغلى فى فاشون شو فى أسبوع الموضة فى باريس.
شاهد بالفيديو ..
كولكشن بسنت بدران فى أسبوع الموضة
وتابعت : الحقيقية إنى كنت جاهزة للخطوة دى وقدرت مع الفريق بتاعى نحضر كولكشن مكون من 20 فستان فى حوالي 7 شهور، كان فى عناصر كتير عايزة احققها فى الكولكشن دا، وأوصلها لكل الحاضرين من الحركة بتاعت الفساتين أثناء العرض، وأنا أكتر قماشة بشتغل فيها هى الأورجانزا بس المرة دي كنت عايزة أجرب والعب بالقماشة دي بس فى نفس الوقت احافظ على هويتي كمصممة أزياء.
أول فاشون شو فى أسبوع الموضة بباريس
وأضافت : كان فى تجارب كتير بالقماش الأورجانزا سواء القيل والخريف أو السادة والمطرز، وقدرت أركز على كل تفاصيل حركة الفساتين أثناء الشو، كمان صممنا تطريزات مخصصة لبعض للفساتين، وكنت سعيدة جدا إنى قدرت أطلع كل حاجة زي ما كنت عايزة وفى الخطة، سواء التصميمات أو الحركة أو تفاصيل الفساتين كل دا قدرت من خلال القماش على الـ run way أوصل فكرتى من غير ما أحكى أى حاجة.
