أحمد سعد يحيي الليلة الختامية من Winter Music Festival في مدينتي يوم 5 فبراير
يستعد أحمد سعد لإحياء الليلة الختامية من مهرجان Winter Music Festival في مدينتي يوم 5 فبراير، حيث يقدم خلال الحفل مجموعة من أبرز أغانيه التي حققت نجاحا كبيرا.
أحدث أغاني أحمد سعد
ومن ناحية أخرى، تصدر ديو زي زمان لـ أحمد سعد وأصالة مؤخرا، قائمة التريند على يوتيوب، والأغنية من كلمات أحمد إبراهيم، وألحان محمد الصياد وتوزيع موسيقي محمد عاطف الحلو.
كما تصدر أيضًا أحمد سعد تريند يوتيوب بأغنيته الجديدة طيبة تاني لأ، الأغنية الدعائية لفيلم طلقني، والتي طرحها مؤخرا، ويشاركه كريم محمود عبدالعزيز بالغناء فيها.
صناع أغنية طيبة تاني لأ
أغنية طيبة تاني لأ من كلمات حازم إكس، وألحان إبراهيم أردني، وتوزيع موسيقي فلسطيني، فيما تولى نادر حمدي مهمة المكساج والماستريج، لتكون جزءا من الحملات الدعائية للفيلم.
تصريحات أحمد سعد عن مشاركته في The Voice
وفي سياق آخر، كشف أحمد سعد مؤخرا عن كواليس تصريحاته الأخيرة بشأن مشاركته في برنامج The Voice وتعرضه للخداع، مؤكدًا أن حديثه ليس هجومًا على البرنامج أو القائمين عليه، وأنه يكن احترامه الكامل للتجربة ولكل المشاركين فيها، قائلا : في مقطع مسجل : كل الناس عمالة تسألني من امبارح علشان التصريح اللي أنا قولته عن اني اتخدعت، وعايز في البداية أقول إن أنا أكن كل الإحترام للقائمين على The Voice ولكل الناس اللي اشتركت من أصغر واحد لأكبر واحد، وده ملوش علاقة خالص بالشخصيات أو الصناع أو المواهب المشاركين.
أحمد سعد : غلطت في حق جمهوري ولو رجع بيا الزمن كنت هختار المواهب بشكل نزيه
وتابع : أنا طالع اتكلم عن نفسي شخصيًا، والناس أكيد بتسأل هو أنا لو كنت كسبت كنت طلعت قولت أن أنا اتخدعت برضو؟، حابب أوضح أن الموضوع ملوش علاقة بالمكسب أو الخسارة، وكل الناس تستحق، أنا بتكلم على الغلطات اللي أنا عملتها في حق نفسي وفي حق جمهوري زي المتسابق أحمد عوادي.
وأوضح : أنا بقالي أكتر من شهر بتشتم من الجمهور اليمني بسبب أحمد العوادي وكل الحب والتقدير للجمهور اليمني، مع أن فيه ناس غلطت بشكل غير مقبول، لكن بقولكم عندكم حق أنا غلطت في اختيارات كتير جداً جداً ومكنش المفروض أعمل كده، بس أنا محتاج أقول لجمهوري أن أنا اتخدعت وأنا اختارت اختيارات مش كلها بإرادتي الكاملة، وفيه مناخ وحاجات مينفعش أقولها أو أحكيها لأن دي حاجة ليها علاقة بالشغل وبالأدبيات بتاعه الشغل.
وأكد : حابب أقول أن أنا مكنش ليا ذنب ولو رجع بيا الزمن ألف مره كان فيه ناس زي أحمد عوادي وناس كتير أوي في البرنامج كان ممكن اختارها بشكل نزية وشريف بالنسبة لي.
